Humm - það hefur alveg farið fram hjá mér að avatars væru til í 3rd ed. En reyndar skal ég viðurkenna að Deieties and Demigods er ekki ein af þeim D&D bókum sem ég hef “lesið í ræmur”. Var þetta ekki annars þar?

Í raun pirrar það mig lítið að þetta sé þarna, svona minnar eigin spilunar vegna. Ég DM-a nær öllu d20 related efni sem ég spila og myndi aldrei nota þetta og jafnvel þó einhver annar í hópnum mínum myndi DM-a D&D/d20 þá er ég nokk viss um að enginn þeirra myndi gera það heldur.

Það sem böggar mig aðallega er að maður getur ekki farið á einn einasta mailing lista eða message board eða neitt sem tengist non-d20 (eða dual-stat d20/eitthvað annað) bókum á einhvern hátt án þess að lenda á endalausum straumi af fólki sem þolir ekki eða blátt áfram hatar d20, jafnvel þó það hafi aldrei spilað kerfið - það bara les um kerfið og gerir sér hugmyndir um hvernig það sé og/eða tengir það einhverjum power-play hryllingssögum.

Svona nonsensical bull eins og að statta guði og margt í Epic conceptinu eykur bara á óþolinmæði fólks gagnvart D&D. Skítt með það að megnið af d20 kerfunum sem eru á markaðnum eru að miklu leyti betri en D&D - þau fá kannski ekki séns vegna þess að fólk er of upptekið af því að hata D&D.

Það er kannski ekki augljóst í fljótu bragði af hverju það ætti að pirra mig að fólk þoli ekki D&D en ástæðan er afar einföld. D&D (nú eða bara eitthvað annað d20) er í dag lang besta og einfaldasta leiðin til að koma nýjum spilurum á role-play bragðið. Hér er ég mikið til að tala um nýliða sem ekki hafa reynda spilara eða GM-a til að spila með sér og þurfa eitthvað sem heldur þeim gangandi án þess að drepa þá í reglufargani og flækjustigi. GURPS, eins gott og það kerfi er, er t.d. hræðilegt kerfi fyrir óreynda spilara að byrja á.

En nú er ég búinn að rasa alveg nógu mikið um þetta efni og ætla að hætta þessu þó fyrr hefði verið.

R.