Ekkert persónulegt en mig langar alveg rosalega mikið að vita hvernig þú færð það út að þetta sé drasl og ekkert varið í þetta bara vegna þess að heimurinn heitir Eberron. Þú hefur kannski einhverja dulda innsýn í meiningu þess sem er falin okkur almúganum?

Og bara svona upp á flippið - af öllum þeim D&D/d20-related heimum (“leikjum” eins og þú orðar það - ekki alveg rétt, D&D/d20 er leikur, Eberron er setting/heimur sem notar D&D/d20) þá tekurðu Warcraft sem dæmi!
Ég hef ekki lesið Warcraft d20 spjaldanna á milli en það sem ég hef lesið skilur ekki mikið eftir sig - ekkert endilega slæmt, bara ekkert sérstaklega merkilegt heldur.

Á öðrum og uppbyggilegri nótum - Eberron. Ég er ekki svo viss um að ég muni fjárfesta í þessu, en ég hef þó betri ástæður en nafnið á bókinni. Ég er aðeins búinn að vera að lesa yfir þá umfjöllun sem komin er á netið um þetta, svo og sýnishornin sem hafa verið sett á netið.

Ég held að heimurinn og conceptið sem slíkt sé alveg óvitlaust. Það sem mér finnst aðallega að er það að þetta er bara “enn einn D&D heimurinn”. Jú, þetta dettur ekki í þá gildru að vera bara enn einn “standard” fantasy heimur og það er bara mjög gott mál, en svo kemur það sem pirrar mig mest - þetta er nefnilega bara eins og ég sagði, enn einn D&D heimurinn - sömu races, sömu classes (að mestu a.m.k.) o.s.frv. Auðvitað er það svo sem skiljanlegt þar sem var nú einu sinni setting search sem WotC stóð fyrir, en bara einu sinni langar mig að sjá fantasy setting sem notar eitthvað nýtt frekar en að finna pláss fyrir álfana hér og halflingana þar og svo verða auðvitað að vera orkar svo það geti verið hálforkar, o.s.frv..

Af því sem ég hef séð á netinu þá hef ég ekki séð neitt sem grípur mig og fær mig til þess að langa að spila _Eberron_ frekar en t.d. Realms eða Greyhawk - ekki að ég spili mikið af þeim heldur en það er annað mál. Þess vegna held ég að ef ég færi út í það að versla mér eintak að ég myndi líklegast nota þær hugmyndir sem eru nýjar í einhverjum öðrum heimi.

En hvað um það - ég held að ég sleppi því að dæma þetta of mikið fyrir fram og bíði bara rólegur og sjái til hvað fólk fer að segja um bókina á netinu þegar hún kemur út.

Rúnar M.