Ágætt, allar friðarumleitanir eru mér að skapi.

Ég skal klófesta laaangbestast og færa Nóvemberhreyfingunni gegn því að ekki verði fleiri gjöreyðingarvopnum beitt í þessu stríði. Þá er nauðsynlegt að kalla á óháða aðila til að kanna hvort stríðsglæpir eða glæpir gegn mannkyninu hafa verið framdir í stríðinu, og draga þá ábyrgu fyrir rétt. Ég krefst þess að Nóvemberhreyfingin geri ekkert til að hindra framgang réttvísinnar, jafnvel þó það kosti refsiaðgerðir fyrir einhverja leiðtoga hennar.

Þá legg ég til að öll lönd Sorpaníu, hvort sem þau eru hliðholl Nóvemberhreyfingunni eða ekki, leggi til sjö prósent af vergri þjóðarframleiðslu til hjálparstarfs og uppbyggingar eftir stríðið, sem mun lækka um eitt prósent á ári næstu sjö ár.

Einnig legg ég til bann á framleiðslu kjarnavopna og annara geryðingarvopna, s.s. efnavopna, sýklavopna og fleira í þeim dúr. Blátt bann skal lagt við uppvakningum, það er réttur hvers manns að fá að hvíla með sæmd er dauðinn kemur.

Ég krefst rannsóknar á fullyrðingum Cubusar um að þar hvíli hin forna illska Ktulu, og samstarf allra þjóða um að vinna að því að skepnan vakni ekki séu fullyrðingarnar sannar. Þá krefst ég einnig þess að hvers konur ódauðum herjum verði eytt fyrir fullt og allt.

Að lokum skal samfélag þjóðanna koma sér saman um grunnreglur sem fara skuli eftir í einu og öllu svo aldrei aftur þurfi að koma til slíks blóðbaðs og nú geysar. Nánari deili þess myndu vera umsamin síðar, en ég hef nú þegar látið mér detta nokkrar tillögur í hug.

Tezcatlipoca, verndari lýðveldisins TheySeeMeTrollin.