Mér finnst krípí sumt fólk, eins og ákveðin stúlka, sem fattaði svolítið um mig um daginn, alveg on her own!

Ég sat í makindum mínum í skólastofu minni, og var að dundast í minni yndislegu fartölvu. Ég fór á msn á www.ebuddy.com til að fagna því að ég var loksins búinn að fatta að ég næði netinu í tölvuna mína. Sem var skemmtilegt, fyrir utan það að það vantaði fólk til að tala við á msn! Enginn af mínum fastagestum var online, og ég sem ætlaði að msn-ast svo skemmtilega þennan tíma.

Svo ég gríp til þess örþrifaráðs að senda sms til að biðja ákveðna stúlku er ég þekki um að koma á msn. Ég tímdi ekki inneign, svo ég notaði heimasíðu Vodafone til að senda sms-ið. Í þessu sms-i stóð: Komdu á msn! Gettu hver ;o.
Neinei, ekki kom hún. Ég vissi ekkert um afdrif þessa sms fyrr en ég fékk eitt sjálfur, sem mér fannst skrýtið, því þetta sem ég sendi var algjörlega nafnlaust. Þar stóð að hún væri í náttúrufræði og nennti ekki á msn. Pælið í frekjunni! Að vera að læra í staðinn fyrir að stytta mér stundir á msn =0 Ófyrirgefanlegt finnst mér, þó að ég fyrirgefi henni þetta nú…
Málið er bara: Hvernig vissi hún að þetta var ég? Eru sms send af heimasíðu vodafone ekki örugg? Er maður í raun að senda persónuupplýsingar með fríu sms-i? Þetta er ráðgáta sem þarf að leysa!

Ég skora á þessa sem sendi mér þetta sms til baka að svara mér opinberlega hér og nú, hvernig hún vissi að þetta væri ég. Ég varð mjög hræddur á þessu tímabili og gat ekki einbeitt mér að námsefninu í tímanum, ekki gott. Gefðu þig fram, ég veit þú ert að lesa þetta!


Annað í fréttum er að Jólin fara að koma, núna á sunnudaginn eftir viku byrjar aðventan, ekki seinna vænna að byrja að undirbúa sig! Góður hluti af þessum undirbúningi væri til dæmis að kíkja á www.hugi.is/jolin , senda inn eina litla grein, deila minningum eða hefðum um jólin, senda inn skemmtilegar myndir, skrá sig sem Jólabarn, og margt fleira. JULEN KOMMER SNART!

Peace.