Sá ótrúlegi atburður átti sér stað á Indlandi í síðustu viku að 32 ára gamall karlmaður mætti galvaskur í eigin jarðarför. Sagan hefst þannig að lögreglan fann illa útleikið lík á lestarteinum fyrir tæpum þremur vikum síðan. Líkið var illþekkjanlegt og var því farið eftir tannlæknaskýrslum. Þær rannsóknir leiddu í ljós að líkið væri af manninum Khodidas Rajput, 32 ára skósmiði. Það gat vel passað því að ættingjar Khodidas höfðu ekki séð hann í viku og voru farnir að óttast um hann. Jarðarförin fór svo fram viku síðar en þegar að átti að fara að slaka kistunni í jörðina mætti gaurinn í jarðarförina, öllum að óvörum. Það urðu að sjálfsögðu mikil fagnaðarlæti en viðstaddir sögðu að fólk hefði bara einfaldlega grátið tímunum saman.
Það fylgdi ekki sögunni hvar Khodidas hafði haldið sig allan þennan tíma en ef þið pælið í því þá hlýtur hann að hafa áttað sig á því hvað var að gerast fyrst að hann vissi um tímasetninguna á jarðarförinni ! Hann hefur sennilega ætlað að koma fólkinu sínu svona skemmtilega á óvart……….þvílíkur fáviti !