Ég tók tölvunarfræði í HR - Mér líkaði við áfangana og kennarana. Margir fræðilegir og verklegir áfangar. Bjóða upp á skiptinám og internship til Bandaríkjana sem er frábært tækifæri.

Mikið af vísinda verkefnum sem er hægt að taka þátt í, tengt gervigreind, málfræði o.sfv.

Það er dýrara að ganga í HR, en ef þú stendur þig vel kemstu í forsetalistann sem gefur þér næstu önn frítt.

Einnig voru skólagjöldin í HÍ að hækka og ef þú vinnur part-time job með skóla getur stéttarfélagið borgað allt að 60.000 upp í önnina.

Ég hef litla reynslu af HÍ en ég hef heyrt að hann sé meira fræðilegur heldur en verklegur.

Ég vona að mín skoðun hjálpi þér að velja réttan skóla þó svo það verði HR eða HÍ.

Hef enga reynslu af tölvunarfræði sérstaklega en í HÍ hef ég haft þá reynslu að maður fái góða þjónustu í verkfræði- og náttúruvísindasviði miðað við önnur fræðisvið sem ég hef heyrt um. Aðallega bara af því það eru minni deildir og minni ásókn í margar þeirra þannig að það er bæði persónuleg þjónusta og það er haldið fast í mann.
Ég hef þessa reynslu reyndar úr raunvísindadeild, en hef ekki heyrt annað en gott um verkfræðideildirnar.

Langaði bara að koma þessu á framfæri svo þú hefðir eitthvað ;)

Veit samt ekkert um HR :)

Ég tók nokkur námskeið hjá tölvunarfræðiskorinni í HÍ (ég var samt í B.S. námi í rafmagns- og tölvuverkfræði en ekki tölvunarfræði).
Mér fannst þau öll mjög góð og almennt vel að þeim staðið.

Hvað áttu við þegar þú segir „græða meira á“? Hvor gefur þér meiri tekjumöguleika? meiri/betri þekkingu? möguleika að framhaldsnámi? persónulega nautn af því að vera í námi?

Ég held að þeir séu frekar svipaðir að flestu leyti, nema að miðað við það sem maður hefur heyrt þá sé þægilegra að vera í HR. Persónulegari og vinalegri samskipti við kennara og starfsfólks og þannig, og kannski betri aðstaða. Tölvunarfræðinemarnir í HÍ eru samt með nokkuð fína félagsaðstöðu sem þeir kalla nördakjallarann.