Same, ætlarðu að skippa 10.?

Ég fór á menntaskólakynningu upp í Borgó fyrir svona viku síðan og ræddi þar við mann frá MH. Hann sagði mér að meðaleinkunin þar hafi verið 7,9 hjá '93 árgangnum.

Grunar að MR, og Verzló séu á svipuðu róli, jafnvel hærra.

Hef því miður ekki betri upplýsingar en þetta.

Verzló var með háar kröfur, vinkona mín var með um 8,5 í meðaleinkunn og hún komst ekki inn haustið 2009.

Ef þér er hafnað með 8,5 í verzló og líka í MH, þá er þa ekki sama talan.

Í verzló gildir stærðfræði og íslenska tvöfalt.

Já, ég er voðalega mikið að pæla í hvað það sé í MH. Ég ætla að sækja um þar í vor, ég er með 8,7 í meðaleinkunn núna. Og já, fara skólarnir eftir meðaleinkunum, einkunum í hverju fagi (ég er t.d mjög góð í öllum bóklegum fögum + íþróttum og sundi, það er smíði og handavinna sem dregur mig niður) eða mætingareinkunum, ég er með 7 í mætingareinkun.

Menntamálaráðuneytið setur fram ákveðnar einkunnir sem þarf að ná til að standast grunnskólapróf. Þessar sömu einkunnir eru viðmiðun fyrir lágmark inn í framhaldsskóla yfir höfuð (ef þú nærð ekki einhverju þarftu að fara á núllbraut í því í framhaldsskóla og reyna að vinna það upp) en gilda þó mismikið eftir brautum.

Síðan hækkar sú einkunn auðvitað miðað við aðsóknina í hvern skóla fyrir sig, þar sem skólinn tekur aðeins inn þá sem hafa hæstu einkunnina.

Vegna breytinganna á innritun í framhaldsskóla er ómögulegt að segja fyrir um hversu háa einkunn þarf til að komast inn í hvaða skóla fyrir sig, kerfið er alveg nýtt. Auk þess fer það mikið eftir því hvað er í tísku hvert ár. Aðsóknin er auðvitað meiri í þá skóla sem eru vinsælir.

Það verður framkvæmd tilraunainnritun til að reyna að sjá hvernig landið liggur, hversu margir munu ekki komast inn í neinn framhaldsskóla og svo framvegis. Ef ég væri þú myndi ég fylgjast með því hvernig það kemur út, og einnig hvernig þetta verður næsta haust þegar '94 árgangurinn verður notaður sem tilraunadýr fyrir þetta allt saman.