Ekki neitt.

Jú, ég myndi taka með eina eða tvær stílabækur. Þarft varla fleiri. Stundum biðja kennararnir ykkur um að skrifa niður eitthvað mikilvægt og af og til gerið þið verkefni. En það er lítið glósað nema að þú sért með þannig minni að upplýsingar munast betur ef þú skrifar þær niður. Þetta ætti að duga í tvær stílabækur.

Svo er rúðustrikuð bók í stærðfræði nauðsynleg ásamt nokkrum plastmöppum.

Meira þurfti ég ekki, held ég. Annars þarftu ekki nauðsynlega að vera komin með allt fyrstu dagana. Þú lærir bara smátt og smátt hvernig þú vinnur best og hvaða hjálpargögn nýtast þér best.

Ég var með svona litlar plastmöppur fyrir öll tungumálin, ekki svona stórar og harðar, en samt með svona járnhring inn í. Í þeim gat ég svo haft mismunandi hólf fyrir allt (eitt fyrir glósur, eitt fyrir skiluð verkefni o.s.frv.)
Fyrir sum fög er allt í lagi að hafa bara stílabók sem ekki þarf að rífa úr, t.d. fyrir sögu og önnur fög þar sem maður bara situr og glósar án þess að þurfa að skila glósunum inn en í mörgum fögum er það náttúrulega ekki hægt.
Ég glósa mjög mikið og það gerðu það líka allir í kring í mig, en ég var reyndar í MA en ekki MR (þó að ég sé að fara að byrja þar núna)

En þú finnur fljótt hvaða skipulag hentar þér best. Ég bíð venjulega með það fyrstu dagana að byrja að skipuleggja mig svona, það er þægilegra þegar þú veist hvernig áfanginn er og svona.

ég var með eina plastmöppu fyrir hvert fag og 1 stílabók fyrir hvert tungumálafag(glósubók), rúðubók fyrir stæ. og svo bara blöð, ef þú ert með þetta þá ertu good game.

Takk fyrir svörin allir, en segja kennararnir e'ð hvaða bækur maður á að taka með í tímana eða þarf maður alltaf að vera að burðast með fulla tösku?

Veit einhver um systemið þarna í MR?

Takk

Okei… ég er ekki í MR en í næsta bæ við og ég kaupi bara eina stóra 160bls stílabók og nota hana í allt og síðan er ég með tvær svona venjulegar old school plastmöppur undir öll ofur-merkileg blöð sem ekki mega týnast.

Ég keypti mér alltaf tvær stórar gatamöppur og merkti þær “fyrir” og “eftir” áramót, skipti þeim síðan niður í fög og var síðan bara alltaf með gormastílabækur í skólanum og tók til í þeim á hverjum föstudegi eftir skóla.
Það virkar vel.

Er ekki best að vera bara með fartölvu? Þá þarf maður ekki að vera að standa í þessu veseni með möppur og stílabækur og annað slíkt.

Hef alltaf notað gormabækur. Skrifa í bókina þangað til hún verður full. Svo ríf ég öll blöðin úr og set í svona pínulitlar litamöppur eftir fögum, hef eina fyrir jól og eina eftir jól svo það sé auðveldara að finna skiptinguna fyrir próf.
Þú verður að sækja um skáp, minnir samt að fólk sem þarf að burðast með einhver hljóðfæri og svona sé í forgangi með að fá skápa. Annars hef ég aldrei verið með skáp (er að fara í 5 bekk) og það hefur bara gengið mjög vel, ef þú lendir ekki í flökkubekknum þá ertu nánast alltaf í sömu stofu þannig að þú þarft ekkert að færa bækurnar það mikið milli stofa. Fer líka eftir kennurunum hvort þú verðir að vera með bókina í öllum tímunum eða ekki, sumir heimta það þó maður noti svo bókina bara í 10% tilfella. Svo eru aðrir sem skilja mann betur og ákveða sérstaka daga sem maður á að vera með bókina.