Heimavistin á Akureyri er mjög flott, og þar er fólk með lyklakort svo það kemst inn og út, þó -18 megi ekkert vera úti á nóttunni þannig séð.

Ég var á heimavist á Sauðárkróki, það er ódýrasta vistin á landinu, hún er frekar ljót og það er raki í mörgum herbergjum og lekur sumstaðar og svoleiðis, og það eru eftirlitsmyndavélar út um allt. Þar læsir vistarstjórinn líka þegar honum sýnist svo maður getur bæði orðið læstur inni eða læstur úti. Mikið fjör samt þarna.

Það er hægt að vera í einstaklingsherbergjum á allavega bæði Króknum og Akureyri en það kostar slatta meira en að vera í tveggja manna herbergi.

Annars eru líka heimavistir á Akranesi, Neskaupstað og Ísafirði, svo ég viti.

Ef þú velur Ísafjörð, segðu að þú viljir fá herbergi sem er ekki með glugga sem snýr að listaverkinu :)

Það er ein á Menntaskólanum á Egilsstöðum,
Ég var þar 1989 og líkaði vel var einn í 2 manna herbergi.

Það er reynt að gera þetta eins og nafnið gefur til kynna eins heimilislegt og hægt er.

Menntaskólinn að Laugarvatni er með heimavist. Systir mín var þar og fannst það æði.
Getur verið ein eða með öðrum í herbergi.
Þetta er frekar lítill skóli og allir þekkja alla, eiginlega.
Mikið félagaslíf í skólanum, þekki marga sem hafa farið í ML og öllum líkað mjöög vel.

Menntaskólinn á Egilsstöðum er heimavistarskóli. Það er mjög gaman á vistinni þar. Hún er reyndar gömul en það er verið að gera upp herbergin þar, setja ný gólfefni, nýja skápa og gera öll klósett upp.

Herbergin eru annað hvort tveggja manna eða þriggja manna en það er líka hægt að vera einn á tveggja manna herbergi (sem kostar reyndar meira). Þriggja manna herbergin eru á tveimur hæðum og með hringstiga (sem er æði, að mínu mati :P). Það er klósett og sturta á hverju herbergi.

Það er útivistatími. Við fáum ekki að fara út né inn eftir kl. 12 en það er oftast hægt að semja um það ef maður hefur góða ástæðu. Um helgar er það mismunandi en oft er vakt og hleypt inn langt fram eftir nóttu þegar er eitthvað að gerast (alltaf þegar eru böll). Annars er oftast hleypt inn til 2.

Þetta er bara eins og að vera á eigin heimili. Reyndar er frekar leiðinleg húsfreyja núna og hún á það til að vera ósanngjörn og skipta sér að og svona. En oftast er ég ánægð með það, því hún passar upp á að fólk sé ekki með hávaða eftir 12 og maður getur sofið almennilega.

Svo er það bara félagslífið sem er æði. Það er svosem á flestum heimavistum. En t.d. hefur vinkona mín sem er á heimavist á Akureyri sagt að það vanti þar margt af því sem ég tala um að gerist á vistinni. T.d. er eitt sem maður sér annað slagið. Það er þegar fólk er að hrekkja hvort annað :P Annað hvort er búið að líma dagblöð fyrir eitthvað herbergi, krota á hurðina með tannkremi eða maður sér nakinn nemanda reyna að komast inn í herbergið sitt. Það er bara gaman :) En það fer auðvitað eftir því hvernig fólk maður þekkir.

Allavega, ég mæli með ME :) Þótt það sé alveg lengst í burtu. Það er líka mátulega stór skóli. Það er áfangakerfi, en samt er eiginlega eins og maður sé í bekk, því maður lendir svo oft með sömu nemendum í tímum. En samt er þetta nógu stór skóli, finnst mér. Svo er líka mjög góð þjónusta við nemendur, bæði þá sem gengur illa og vel.

Bætt við 16. febrúar 2008 - 18:53
Svo er líka ágætt mötuneyti og það er ódýrt að leigja herbergi. Ódýrara en gamla vistin á Akureyri sem er með sameiginlegum klósettum og sturtum. Sem mér finnst bara nokkuð gott :)

ML ;D

Heimavistin á Akureyri… þeas heimavist MA og VMA.

www.heimavist.is

á síðunni geturu fundið upplýsingar um herbergin, myndir og svoleiðis…

Maturinn í mötuneytinu er ekkert til að hrópa húrra yfir…en það er samt mjög misjafnt hvað fólki finnst…

Það er læst á nóttunni en það er ekki útivistartími eins og á Egilstöðum, þú færð lykilkort til að komast út og inn :)
Það eru aftur á móti reglur um utanaðkomandi gesti, þeir eiga ekki að vera inná vistinni eftir 11 á virkum dögum og 8 um helgar (minnir mig) en það er mjög misjafnt hvort fólki sé vísað út eða ekki…
Áfengi og önnur Vímuefni eru bönnuð… en yfirleitt er ekkert verið að gera mál úr því ef þú kemur full/ur inn og ferð beint inní herbergi, ert ekki með neitt vesen….