Hefurðu farið á kynningu háskólanna? Þeir eru alltaf með kynningu á hverju vori (held ég) og þeir koma allavega í skólann minn. Ég veit ekki hvernig þetta er á höfuðborgarsvæðinu, hvort þeir séu allir á sama stað eða kynni bara í sínum skólum. Allavega, það hefur hjálpað mér mikið við val á námi (þótt ég sé ekki að fara í háskóla fyrr en þarnæsta haust).

Svo er það bara að skoða síður skólanna, skoða hvað þeir bjóða uppá.

Ég er í félagsfræði í HÍ - mjög fínt, er alveg að fíla mig. Stefnan er að ljúka 60 einingum í félagsfræði og 30 einingum í fjölmiðlafræði.

Hef ekki mikla reynslu af stjórnmálafræðinni fyrir utan skylduáfangann Inngangur að stjórnmálafræði, finnst hann frekar erfiður en ég hef reyndar engan sérstakan áhuga á stjórnmálum þannig, er örugglega fínt fyrir þá sem hafa meiri áhuga.

Ég man ekki nákvæmlega af hverju ég fór í HÍ - kynnti mér skólana ekkert sérstaklega þannig séð. Fékk það bara einhvern veginn á tilfinninguna að félagsvísindadeildin væri sterkur í HÍ miðað við aðra skóla - þegar ég byrjaði var HÍ eini skólinn sem bauð upp á pjúra félagsfræði. Sýnist það vera svipað núna - Háskólinn á Akureyri kennir fjölmiðlafræði samkvæmt heimasíðunni þeirra en ég veit í rauninni ekkert um það.

Get mjög samviskusamlega mælt með HÍ - mjög fínir kennarar: Helgi Gunnlaugsson (afbrotafræði, kenningar), Þorbjörn Broddason (fjölmiðlafræði) og Jón Gunnar Bernburg (aðferðafræði) svona þeir sem mér dettur í hug strax.