Haha fyndið að sjá þetta núna.

En já ég fór sem sagt út sumarið 2008 á vegum stúdentaferða (exit.is) til Ítalíu.

Ég flaug fyrst til London, þá til Palermo á Sikiley og tók svo lest niður til Siracusa. (Alveg neðst á hælnum).

Þar var ég með í leiguíbúð þar sem 2 aðrir nemendur í skólanum voru einnig búsettir. Þar var ég í 2 mánuði.

Færði mig örlítið um set og dvaldi næsta mánuð í Flórence, þar sem ég var í málaskóla og einnig Cordon Blue matreiðslu og vínskóla sem sérhæfði sig í afurðum og háttum frá Toscana. Eftir þá dvöl fór ég aftur til Siracusa, þar sem ég dvaldi aðra 2 mánuði.

Þetta var mjög ánægjuleg ferð, en einnig mjög óhappasöm. Þar sem mér virtist einhver ólukka elta mig.

M.a. byrjaði ég ferðina á því að láta hirða af mér töskuna á flugvellinum, þar sem ég var síðust út úr flugvélinni og búið að hirða hana áður en ég komst að hringborðinu.

Þegar ég tilkynnti svo um atvikið þurfu flugvallarstarfsmennirnir að fá að sjá vegabréfið mitt auk einhverra annarra pappíra sem ég hafði með í för. Ég var svo stressuð og þreytt að ég tók ekkert eftir því að þeir skiluðu því ekki til baka. Nú svo elti ólukkan mig. Ég lenti í umferðarslysum. Varð næstum því rænt í Flórence af hópi manna á sendiferðabíl o.s.fr. en sé samt ekki eftir þessari ferð :D)

…Gaman af þessu!