Það var bara skrifað á einhverja “busi” eða “Einarbusi” eða eitthvað þvíumlíkt í mínum skóla [Hagaskóla]

Ahh talandi um góða tíma :)

Ég var í heimavistarskóla þannig að þegar eldri bekkingarnir komu á þriðjudegi þá lenti maður í því að bera dótið þeirra fyrir þá inn í herbergi og þrífa herbergið fyrir þá hehe… Síðan seinna um kvöldið voru sumir svo óheppnir að vera dregnir af eldri bekkingunum út og vatni var skvett á þá og fleira skemmtilegt… En ég slapp blessunarlega við það :)
Á miðvikudeginum var kynning alltaf í frímínútum sem gekk út á það að við áttum að kynna okkur, ein í einu, segja hvað við hétum og hvaðan við værum og þá var púað á flesta. Síðan áttum við að gera það sem okkur var sagt, sama hversu asnalegt það væri :P Ég slapp samt mjög vel, þurfti bara að gera handahlaup og þá var ég sloppin :)
Um kvöldið var síðan kvöldvaka þar sem að við áttum að skemmta hinum. En sama hvað við gerðum þá var púað á okkur og öskruð á okkur neikvæð ummæli hehe… Það er samt hefðin, sama hvernig skemmtiatriðin hjá busunum eru þeir alltaf rakkarðir niður strax og atriðið þeirra byrjar =) Síðan vorum við elt upp á vist og kastað á okkur vatnsblöðrum og eitthvað…
Á fimmtudeginum var busauppboð sem fór fram smá spöl frá vistunum og skólanum. Þá voru nokkrir busar í einu boðnir upp og ágóðinn fór til nemendafélagsins. Ég var enn og aftur frekar heppin, var voða mikið að flakka á milli eldri bekkinga en ég þurfti eiginlega ekki að gera neitt merkilegt…
Á föstudeginum var sjálf dauðagangan! Hún var svakaleg. Þá fórum við í röð í göngu um allan bæinn í kringum böðla og grýlur og þau sýndu okkur enga miskunn! Maður var nú svolítið hræddur en þetta var samt skemmtileg upplifun svona eftir á og ég hefði aldrei viljað missa af þessu =) Gangan endaði á því að við fórum í vatnið sem er við bæinn og við vorum “skírð” þar… Og á leiðinni til baka tóku allir vel á móti okkur og buðu okkur velkomin í skólann :D Það var yndislegt…ein yndislegasta upplifun lífs míns =)

Ég hefði getað skrifað um meira en það er eiginlega betra að segja frá því heldur en að skrifa um það…

Ohh þegar ég hugsa um þetta langar mig aftur í menntaskólann minn… Skemmtilegasti tími lífs míns!

Ég fór í Nauthólsvík og fékk pylsu og gos. Svo vorum við bara í strandblaki og fótbolta og þannig.
Busun er skemmtileg, skil ekki í öllum að vera að kvarta yfir henni og kvíða henni…

Beneventum \o/ damm damm.
En já, ekki enn búið að busa mig… 'course.

ég var nú busaður í fyrra en ég var látinn skríða í kindablóði , fiskimjöli og drullu, gera alskonar æfingar… svo var sett síróp og tómatsósa í hárið á mér ogég var plastaður fastum með rúlluplasti.. svo þurfti ég að hlaupa einhverja þrautabraut.. ætli ég hafi ekki gert um þa ðbil 400 armbeygjur og 900 magaæfingar svo fór ég í gegnum draugahúsið þar sem að blóði var skvett á mig… þetta er ekki allt í réttri röð en ég vill taka það fram að ég er í VMA og svonaa brútal busannir voru bannaðar eftir þetta… já og svo vorum við spúluð með slökkvibíl eftir á.. og fengum pylsur.. namm

Bætt við 30. ágúst 2007 - 12:27
já og það var krotað framan í mig og sett hveiti líka í hárið

Ekkert enn :)

Ég er á þriðja ári í ME. Má vera böðull en nennti því ekki (og sé núna eftir því).

Það var geðveikt þegar ég var busuð. Á fimmtudegi mættum við öll í öfugum fötum og fleira þannig skemmtilegt. Allan daginn (skóladaginn, þau hættu þegar flestir voru búnir í tímum) máttu böðlarnir ráðskast með okkur, láta okkur syngja, dansa, þjóna sér og fleira. Við máttum ekki labba í stigum, ekki sitja í stólum og fleira skemmtilegt.

Á föstudeginum var svo aðal athöfnin. Það byrjaði á að böðlarnir komu inn í tíma til okkar og ráku okkur út á stétt. Þar lágum við meðan mysu, hveiti og fleira ógeði var hent yfir okkur, þangað til við vorum lesin upp og fórum inn. Við gerðum eitthvað fleira skemmtilegt inni, þurftum svo að borða eitthvað ógeð (giska á að það hafi verið karríkryddaður hafragrautur). Svo fengum við að fara í mat (flestir í mötuneytið) og þar áttum við auðvitað að þjóna böðlunum og sitja á gólfinu (ég var send í uppvask inni í eldhúsi svo ég slapp vel). Eftir mat fórum við í skrúðgöngu gegnum bæinn þar sem við áttum að gera ýmislegt (t.d. bíta gras og segja me, sumum var skipað að flýja og svo voru þeir skammaðir fyrir það). Við stoppuðum aðeins á þvottaplani og vorum smúluð. Fórum svo áfram þangað sem hafði verið búin til drullubraut. Þar fórum við í gegnum misþykka og misdjúpa drullu og að lokum fóru óþekkir busar í “Karið”. Það er fyllt af ýmsu ógeði eins og skemmdum mat og fiskislori.

Árið eftir (í fyrra) var búið að banna helminginn af þessu. “Drullubrautin” var bara smá mold og svo hey, frekar slappt.

Svo byrjaði busunin í dag á því að strákar mættu í pilsum og brjóstahaldara en stelpur í öfugum fötum og með sundhettu. Ég sá að það var verið í miklum framkvæmdum rétt hjá skólanum svo ég giska á að drullubrautin komi aftur :) Það verður gaman á morgun!

Í byrjun var okkur sagt að vera innan mjög stuttrar línu. Svo var okkur skipað (aftur og aftur STANSLAUST) að horfa bara niður, hoppa og syngja (ekki góð blanda). Við fengum hatta með eitthverju blautu ofan í (langar ekki að vita hvað). Nokkrir voru dregnir út og gerðu æfingar og rugl. Mér var skipað að skríða um á hnjánum og týna upp rusl.
Eftir svona klukkutíma sendu þau okkur út. Þar áttum við að tilbiðja. Nokkrir voru látnir dansa og aðrir borða gras. Ég var dreginn út og átti að nudda rassinum við annara rassa og stynja í megaphone. Svo var ég látinn gera “höfuð, herðar, hné og tær”. Eftir það þurfti ég að gera armbeyjur yfir eitthverri stelpu. Svo fórum við í nokkrar raðir þar sem við áttum að þykjast taka hvort annað í rassinn. Svo vorum við leidd í biðröð (þurftum að halda í rassinn á þeim á undan allann tíman). Þar löbbuðum við ansi lengi. gerðist ekkert merkilegt í dálítinn tíma.
Svo löbbuðum við lengra úr í bæinn. Margir voru píndir til að eta mysu. Ég var látinn borða smörlíki og drekka eitthvað VIRKILEGA viðbjóðslegt sem lyktaði eins og edik, nokkrir ældu (sumir oftar en einu sinni). Mikið af edik-dótinu helltist inn á mig. Ég varð virkilega reiður.
Svo gengu við yfir vatn. Það átti að bleyta hausana á okkur en ég var of fúll og beilaði bara og fór heim í sturtu.
Næsta dag heyrði ég sögur af einkabusunum. Sumir voru lokaðir í bílskottum, sumir þrifu bíla, sumir voru helltir fullir og látnir skríða um í Smáralindinni og aðrir klæddir í g-strengi og skotnir með loftbyssum. Nefni engin nöfn hjá einkabusununum.

Frekar slappur dagur… :/

Er í MK.

Tollering. Nuff said.

mér var hent upp í loftið. það var án gríns einn skemmtilegasti dagur lífs míns.

Ég verð einmitt böðull núna í næstu viku og hlakka rosalega mikið til!

Busanir í Kvennó hafa verið mjö svipaðar ár frá ári, og busarnir þurfa engu að kvíða. Í 3 daga þurfa þau samt að ganga innan ákveðinna lína, vera í fötunum á röngunni og stelpur verða að vera ómálaðar meðan strákarnir þurfa að mæta mep varalit. Og svo á busadaginn sjálfann þá er aðalfjörið, en ég má ekki kjafta frá strax ;)

Annars eru það BARA 4. bekkingar sem mega gera eitthvað við busana. 2. og 3. bekkur má varla snerta þá.

Þar sem að ég er í alveg nýjum skóla og eginlega engin eldri til að busa mann, þá fórum við í river rafting og fengum að fá smá útrás þar =D

Á sínum tíma þá fór ég á busakynningu alveg í byrjun skólans, sem var vægast sagt geðveik.

Svo eiga busarnir að tipla á tánum í kringum eldri nemendur, 6.bekk aðallega, svo þeir fari ekki á Ofurbusalistann. Það er þangað til þeir hafa verið tolleraðir en þá eru þeir hreinsaðir af busastimplinum. Þetta var í MR.

Ég var settur í bleyju og í bleiku fótboltavesti.
Svo var mér kastað upp í loftið þrisvar sinnum. Eftir það var manni boðin skúffukaka og mjólk.

Mann að mér leið frekar kjánalega eftir þetta, enda var ég búin að búast við svo miklu miklu verri meðferð.

Dagurinn byrjaðu eins og venjulega með tímum, en svo þegar var aðeins var liðið á daginn og við sátum í tíma heyrðum við flautað í flautu í fjarska. Andrúmsloftið fylltist spennu og hræðslu.

Stuttu eftir var lamið í hurðina og hún opnuð. Þá stormuðu inn 5 eða 6 böðlar allir klæddir í ‘sláturbúninga’ ataðir blóði. Við vorum dregin út og látin skríða niður í matsal.

Þegar þangað var komið var okkur hrúgað saman og látin sitja með hausinn í gólfinu. Á meðan hélt aðal böðullinn langa ræðu um hvað við busarnir værum viðbjóðslegir. Ef einhver óhlýðnaðist, eins og að tala eða líta upp var sá tekinn og látinn sleikja hrátt kindasvið.

Eftir ræðuna var okkur smalað út og klínt sviði í random fólk. Ég var tekinn og skrifað asni á ennið á mér og var látinn leika asna…

Þegar allir busar voru komnir út vorum við látin ganga meðfram skólanum. Í röðinni voru nokkrir teknir og látnir gera armbeygjur drekka ógeðsdrykki og fleira skemmtilegt. Svo komum við að því sem mér fannst allra verst, allir áttu að drekka ógeðsdrykk.

Ég er svo mikill gikkur að ég kúgaðist við tilhugsunina…
Þegar ég kom að borðinu með drykkina ætlaði ég að vera sniðugur og svindla mér framhjá…
Ég gekk sakleysislega framhjá borðinu en þá sá einn böðull mig. Frábært. Hann öskraði og hann og nokkrir aðrir neyddu 3 drykki ofan í mig :) Gaman… Kúgaðist og ældi næstum við hvern sopa.

Eftir það vorum við send niður í íþróttahús þar sem meiri busun fór fram. Þar var t.d. klínt hráum sviðabita framan í mig, ég látinn sjúga smokk, gera 60 armbeygjur, dansa og margt margt fleira.

Svo þegar við vorum loksins sloppin úr Íþróttahúsinu var hent hveiti, sprautað mysu, og hent eggjum í okkur.

En mér fannst þetta samt rosalega gaman og hlakka til að fá að busa aðra. :)
Ég er í Flensborg by the way.

Ég er í FVA og lenti í busun á föstudaginn. Það var krotað “busi” á ennið á flestum og svo eitthvað meira. Ég slapp við allt nema busamerkið, ég er með alveg æðislegt ofnæmi og fæ útbrot og nice hluti ef það er krotað of mikið framan í mig. Viðkvæm húð. Svo var okkur þjappað saman í salnum, einhverjir sendir í pose-keppni í gluggunum, einhverjir látnir syngja og dansa uppá sviði. Síðan var okkur smalað út, hellt yfir okkur úldnum ís (sem lyktaði nákvæmlega eins og kókómjólk), rjóma, sinnepi og grillsósu. Sprautað vatni á okkur úr vatnsbyssum og brunaslöngum, svo vorum við látin fara ofan í þrjú fiskikör, full af köldu vatni. Reyndar voru sumir látnir fara oftar en einu sinni. Já, og vinkona mín fékk hjálm sem stóð á Busi og “kýlið hér”. Greyið.

Mér fannst þetta bara helvíti gaman. Eina sem var fúlt var veðrið, seinastliðin ár er búið að vera sól og gott veður, núna var súld og rigning.

Búið að banna mest allt í mínum skóla. Þetta er mest allt eitthvað sem þú þarft að éta. Ef þú ert hrifin af gömlu hefðunum í íslenskri matargerð þá er þetta ekkert mál.
Það er einhverju drasli blandað saman til að líta viðbjóðslega út. Þurfti að éta það og helling af öðru. Öllum busunum troðið í lítið rými. Skriðið gegnum einhverja braut og svo stelpum og strákum parað saman í að gera e-ð vandræðalegt.

Núna má gera svo lítið og svo ef einhver segir þér að éta e-ð þá geturru einfaldlega neitað því því engin má neyða þig í að gera neitt.

Þetta er samt gaman fyrir 1. og 4. bekkingana. 4. bekkur fær að fíflast aðeins (ég fæ einmitt að gera það í lok vikunnar) og 1. bekkur fær að taka þátt í vitleysunni og fara svo fyrr heim úr skólanum:)

Mættu bara í drasl fötum og þá ertu góður.

í mínum skóla er maður líka busaður í 8.bekk og ég verð busuð aftur á næsta ári (er í 10)
við vorum látin drekka ógeðisdrykk sem ég man ekki alveg hvað var í, lýsi, skapahár og örugglega hrákur. Svo vorum við látin labba út um allt með spjöld, bleyju á hausnum og blátt nef og syngja 10.bekkur er bestur og skvett á okkur vatni allan tímann. og svo endaði það með að við fórum á sjoppuna, þrifum e-rja bíla og skvett hellings vatni á okkur.
erum að plana busunina fyrir 8.bekkinga og erum að hugsa um að hella vatni, hveiti og heyi yfir þau og meira :D

ohh eg var geðveikt spennt en nú kvíðir mig geðveikt flott hjá ykkur og ég er að fara í busun á morgun

Ég var ekkert busaður, en ég lét busann minn éta kattarmat. Hilariooooouuus.

Eina sem ég þarf að segja um okkar busun :) Heyheyr 89' uber alles

http://www.bb.is/?PageID=26&NewsID=105142

engar sögur héðan frá, þúst skólinn minn byrjar bara eftir 2 vikur eða eitthvað ^^

Ég er í FSN. Þannig að þú getur eflaust heyrt þessa upplifun frá einhverjum. Þetta gossip-ast örugglega bara til þín.

Ég var busi í Kvennó, það var verið að busa mig í dag. Það er búið að vera núna í busavikunni í skólanum þannig að stelpur mega ekki vera málaðar og verða að vera með tígó, strákarnir verða að vera með varalit og greitt í píku, við þurfum að vera á fötunum á röngunni, með sokk á hægri hendi sem við tölum við 4 bekkinga í gegnum, megum ekki fara í matsalinn, þurfum að ganga eftir ákveðnum línum, verðum alltaf að leiða einvern og megum ekki líta í augun á 4 bekkingum.
Núna á busadaginn sjálfann komu hellingur af 4 bekkingum, klædd og eins læknar úr hryllingsmynd inn í stofurnar okkar, við vorum látin fara í bleiur og busaboli, sprautað á okkur, við látin syngja, hoppa og fleira. Svo var farið með okkur út, látin renna okkur á sápugu plasti, hlaupa í gegnum hoppukastala, skríða undir bekki, hoppa í gegnum dekk, syngja busasönginn og tilbiðja 4 bekkinga á meðan það var haldið ræðu yfir okkur um hvað við værum litlir og ógeðslegir busar. Að lokum voru busarnir sem að voru á svarta listanum látnir borða hákarl, súra gúrku og mysu. Eftir það vorum við skýrð með tjarnarvatni og okkur boðið inn í köku og kók.
Þetta var bara þvílíkt stuð. Svo var allann tímann blastað einhverju þvílíkt epísku lagi (úr LOTR held ég) en það var gætt þess að fólk væri ekki neitt til að gera neitt og passað að það væri allt í lagi með alla svo að þetta fór ekkert úr böndunum. Ég hef heyrt frá busun í mörgum öðrum skólum og ég verð að segja að Kvennó virðist hafa eitt af skemmtilegustu busununum.

ég var böðull í IH og það var fjandi skemmtilegt fyrir utan einn busa sem var alltaf með vesen kjaft og læti, endaði með að ég lamdi hann næstum

Það var busun í MH í dag. Ég var ekki busuð mikið vegna þess að ég var ekki í hvítum bol. Ég vissi ekki að það ætti að vera í hvítum bol. En busunin innihélt mikið af matvörum. Og dansi. Þetta var geðveikt gaman.

Ég vildi samt að ég hefði verið í hvítum bol=(