Ef þú ert að hugsa um að gerast verkfræðingur, þá byrjarðu á því að klára framhaldsskóla, náttúrufræðibraut oftast nær (stærðfræði- eða eðlisfræðibraut líka ef það er í boði í skólanum).
Þá tekur við nám við Verkfræðideild Háskóla Íslands (þó hægt sé að fara í verkfræði við aðra háskóla, en aðallega erlendis held ég, þori ekki að fara alveg 100% með það), en það nám tekur 3-4 ár að ég held.

Þú þarft að læra eins mikla stærðfræði og eðlisfræði og þú getur mögulega komist yfir í framhaldskólanum sem þú ert í.

Bestur er undirbúningurinn í Menntaskólanum í Reykjavík en MH og MA eru fínir líka.

Eðlisfræði eitt braut úr MR hentaði systur minni nú ágætlega, samt átti hún nú ansi erfitt með að ná þessum blessuðu prófum sínum núna um jólin. Og það er nú ekki eins og hún sé eitthvað heimsk… þvert á móti.

Bara um að gera að taka eins mikið og hugsanlega er hægt í stærðfræði og eðlisfræði, auk þess sem að önnur náttúrufræðifög koma sér vel. Sakar ekki heldur að taka ensku upp í topp.

Til að komst inn í verkfræði þarftu í rauninni bara stúdentspróf af náttúrufræðibraut. En það er inntökupróf og það er best að vera búinn með a.m.k. 24 einingar í stærðfræði og 30 í náttúrufræðigreinum.

Ef þú ert að ákveða hvaða skóla þú ætlar í held ég að eðlisfræðibraut í MR sé best. En það skiptir í rauninni ekki máli, það er spurningin um hvort þú hefur nógu mikinn áhuga og nógu mikla námshæfileika til að ná þessu.

Bætt við 17. janúar 2007 - 00:38
Ég sá fyrir ofan að þú ert úti á landi. Það getur gengið. Þú tekur bara eins mikið og þú getur af stærðfræði og eðlisfræði og það er gott að taka efnafræði líka, en fer eftir því hverskonar verkfræði þú ætlar í.

Mér var líka einu sinni bent á að það væri gott að fara í einhverja tölvu/forritunar áfanga (TÖL) og þá er alla hægt að taka í fjarnámi úr FSu.