Það munu vera 4 skólar í Reykjavík + Hjallaskóli í Kópavogi sem eru með svokallaðar nýbúadeildir þar sem krakkar fá stuðning og íslenskukennslu. Það er miðað við að erlend börn séu einn vetur í nýbúadeild áður en þau fara í almennan bekk.

Ég veit ekki hver þessara skóla er með bestu nýbúadeildina en heyrði að í Hjallaskóla væri hún notuð sem “ruslakista” og krakkar með námserfiðleika og aðrir sem pössuðu ekki annars staðar væru hafðir þar. Líklega er best fyrir þig að tala við skólana og/eða kennarana í þessum deildum og jafnvel enn betra ef þú gætir talað við börn eða foreldra barna sem hafa verið í þessum deildum.

Það er náttúrulega ekkert sem stoppar það að setja barnið strax í almennan bekk en hættan er að það fái lítinn stuðning þar sem skólayfirvöld gera ekki ráð fyrir að erlend börn séu í almennum bekkjum og gæti orðið til þess að barnið á erfiðara með að ná tökum á málinu og jafnvel dregst aftur úr í námi eða leiðist þar sem það skilur ekki neitt í tímum.

ef þú ert að tala um krakka sem talar nákvæmlega enga íslensku get ég sagt þér að það er ekkert endilega betra að láta krakkann fara í nýbúa deild. Ég bjó í danmörku og fór þar af leiðandi í skóla. Eftir jól var ég komin með mjög góð tök á dönskunni, þó að ég hafi varla fengið einhvern stuðning. Krakkar eru mjög fljótir að ná tungumálum, get ég sagt þér. Það tekur krakka kannski bara 3 mánuði að ná tungumáli svo að það geti bjargað sér og haft samskipti við fólk. Ég mundi benda þér á að athuga fyrst hvað börnin geta. Það er alls ekki gott að vera í einhverjum nýbúadeildum- krökkum virkilega leiðist þar auk þess sem það er ekki alveg eins mikil menning fyrir því á íslandi eins og t.d. í hollandi eða danmörku, þar sem flóttamenn koma náttúrulega í mun meira mæli en hingað.

ég mæli með því að þú setir krakkann í hefðbundinn bekk svo að hann missir ekki af stærðfræðinni, myndmennt og öðru slíku sem er mjög mikilvægt. MAnni líður aldrei vel þegar maður fer í nýjan bekk- sérstaklega ekki þegar maður skilur ekki neitt en ég ráðlegg þér að setja barnið bara í venjulegan bekk- ef það fílar sig ekki þar athuga hvað hægt væri að gera. Annars er þetta afskaplega einstaklingsbundið!

Sælir.

Hvaðan eru börnin og hvað eru þau gömul?

ég er frekar viss á að það sé nýbúadeild í Austurbæjarskóla, veit ekkert um hana samt. er ekki málið að senda fyrirspurn til menntamálaráðuneytinu þar geturðu fengið lista yfir þessa skóla sem eru með nýbúadeildir og bara skoðað sjálf/ur þessa skóla…