grallara fyrir 19 árum, 7 mánuðum Fjöldi lestra: 1507

Hjúkrunarfræði

Hæhæ
Ég er að útskrifast núna um jólin og ég er svona farin að spá í hvað ég eigi að leggja fyrir mig og er mikið farin að velta fyrir mér hjúkrunarfræði og fara síðan jafnvel í ljósmóðurina eða eitthvað því um líkt. Það er ekkert langt síðan að ég fór að spá í hjúkrunarfræðinni og er bara orðin nokkuð nokkuð ákveðin í því. En ég var að spá…..ég útskrifast af félagsfræðibraut um jólin og er þar af leiðandi ekki búin með mikla líffræði eða eitthvað fleira í þeim dúr sem að er örugglega gott fyrir mann að vera búin með áður en maður fer í hjúkrunarfræði.
Þess vegna langaði mig að spurja ykkur hvort þið haldið að þetta væri nánast vonlaust mál þar sem að ég hef ef til vil ekki besta grunninn fyrir hjúkrunarfræði. Síðan langaði mig líka að fá að heyra í ykkur sem eruð í þessu námi og fá að vita hvað þið eruð að læra og svoleiðis. Ef þið vitið hvernig er staðið að þessu í Háskólanum á Akureyri þá væri líka mjög gaman að fá að heyra það. eins ef þið vitið hvernig launin eru hjá hjúkrunarfræðingum sem hafa sérhæft sig í einhverju ákveðnu eru.

Takk fyrir :)
Grallara

gthth fyrir 19 árum, 7 mánuðum

Það er ekkert ómögulegt, ég þekki hjúkku sem útskrifaðist af málabraut :)

___________________________________

Fyrra álit

Karat fyrir 19 árum, 7 mánuðum

Systir mín er í hjúkrun og hún útskrifaðist af sjúkraliðabraut í FB. Hún var samt ekki með nægan grunn í líffræði eða eðlisfræði eða einhverju svoleiðis. Ég myndi reyna að afla mér upplýsinga um þetta strax ef ég væri þú. Þá getur þú kannski tekið eitthvað auka námskeið eða eitthvað ef þú þarft, það þurfti systir mín að gera til að komast inn í hjúkrunina.

Fyrra álit

siggibet fyrir 19 árum, 7 mánuðum

Blessuð vertu… ekki láta það trufla þig þótt þú hafir ekki verið á náttúrufræðibraut.
Ef þú vilt í hjúkkuna, nú þá gerir þú það.
Þú sérð ekki eftir því.

Fyrra álit

Kimono fyrir 19 árum, 7 mánuðum

mér skilst að það þurfi að vera með efnafræði103 til að fá inngöngu í hjúkrun í háskólanum, þeir hleypa að ég held ekki einu sinni helmingnum af þeim sem sækja um. það er frekar vonlaust held ég að skella sér í þetta án þess að hafa góðan grunn í líffæra og lífeðlisfræði en auðvitað ef þú ert einstaklega fljót að læra þá gæturðu kannski náð þessu öllu á einu bretti, en þetta er mjög mikið efni sem þarf að muna og læra.
Eins og með allt háskólanám þá stekkur maður ekki inn í það án þess að hugsa sig virkilega um, svo er aðvitað skorið vel niður eftir fyrstu önnina, þeir sem fá góða einkunn (klásus) fá að halda áfram

——————-

Fyrra álit

midiz fyrir 19 árum, 7 mánuðum

Það er ekki rétt. Hver sem er búin með stúdentspróf getur skráð sig í hjúkrun í HÍ. Hins vegar þarf sá hinn sami að vera með nokkuð góðar einkunnir til að komast inn eftir áramót;)

Ef þú ert góður námsmaður þá áttu alveg að geta þetta. Maður byrjar alltaf að læra grunninn í háskólanum en það er bara farið mjög hratt yfir hann. Þess vegna er alltaf betra að vera með góðan grunn, en allt er hægt ef viljinn er fyrir hendi.

Ég hef heyrt að hjúkrunarfræðingar séu með vægast sagt skítalaun og þurfi að vinna mikla vaktavinnu til að fá mannsæmandi laun. Frekar lélegt fyrir 6 ára nám (ef maður verður ljósmóðir) ;)

Fyrra álit

gthth fyrir 19 árum, 7 mánuðum

Nei, það þarf áfangann Efnafræði 103 og áfanga í íslensku o.fl. ef maður er af sjúkraðilabraut. A.m.k. til að eiga möguleika á að stunda nám í hjúkrunarfræði við HÍ. Sbr. Svar mitt til Kimono.

___________________________________

Fyrra álit

Karat fyrir 19 árum, 7 mánuðum

Þegar systir mín sótti fyrst um hjúkrun var umsókninni hafnað því hún hafði ekki nóg í einhverri raungrein, einhver náttúrufræði áfangi minnir mig. Systir mín var stödd í útlöndum og ég stóð í stappi fyrir hana uppi í HÍ að reyna að koma henni inn í deildina. Ég talaði við alla æðstu menn þar. Grunnskólanám í sömu grein er ekki nóg og það þarf einhvern ákveðinn áfanga til að komast inn í hjúkrun, eins og einhver hér er búinn að segja. Þannig að ég myndi athuga þetta vel og með góðum fyrirvara ef ég væri þú. Þetta bjargaðist með systur mína á síðustu stundu en hún var látin taka eitthvað endurmenntunarnámskeið þarna um sumarið og eftir að hún náði prófi á námskeiðinu var umsóknin hennar samþykkt. Mig minnir að þessi vandræði hafi upphaflega verið út af því að FB var að breyta braunum hjá sér og sameina einhverjar greinar, og það var ekki nóg fyrir HÍ.

Fyrra álit

Karat fyrir 19 árum, 7 mánuðum

Breyta brautum meina ég, ekki “braunum”.

Fyrra álit

gthth fyrir 19 árum, 7 mánuðum

Reglurnar um inntöku í hjúkkuna við HÍ eru svona:

“Inntökuskilyrði í hjúkrunarfræðideild er stúdentspróf til 140 eininga skv. aðalnámskrá framhaldsskóla frá 1999 með neðangreindum skilyrðum:

Nemendur skulu hafa lokið stúdentsprófi af bóknámsbraut eða sjúkraliðabraut. Allir nemendur skulu hafa lokið áfanganum Efnafræði 103. Stúdentar af sjúkraliðabraut skulu auk þess hafa lokið a.m.k. 15 einingum í íslensku, 6 einingum í stærðfræði og 9 einingum í ensku.”

Clausus próf þýðir orðrétt “lokað próf” þ.e.a.s. það er fjöldatakmörkun sem felur í sér að eftir fyrstu önnina raðast nemendur eftir meðaleinkunn sinni og einungis x efstu komast inn (fjöldinn er núna 75). Ef tveir eða feiri í neðsta sætinu eru jafnáir, þá komast þeir allir inn. En ef svo færi að færri reyndu en fjöldatakmörkunin segir til um, þá gildir bara að þeir sem ná prófi komast inn en þeir sem falla komast ekki inn.

___________________________________

Fyrra álit

mayapaya fyrir 19 árum, 7 mánuðum

Endilega fyrst þú útskrifast um jólin, þá geturðu eytt vorönninni í áfanga eins og lífeðlisfræði, efnafræði, erfðafræði, líffæra- og lífeðlisfræði og fleira í þeim dúr. Þetta eru margir mjög skemmtilegir áfangar og gefa góða mynd af því námi sem yrði væntanlega framundan hjá þér.

Stelpa sem ég þekki fór í hjúkrunarfræði í fyrra. Reyndar var það í HÍ, ég veit ekki hvort það sé svipað kerfi þar og á Akureyri. Þá voru tekin próf fyrir jól og aðeins ákveðinn fjöldi sem var hæstur í einkunnum komst áfram. Í rauninni fer það mikið eftir því hve margir sækja um í byrjun því ef nemendurnir eru undir þessum fjölda komast allir áfram, jafnvel þó þeir falli.

Drífðu þig bara í þessu, spjallaðu við námsráðgjafa, heltu þér yfir bækurnar og þá á þetta eftir að ganga prýðilega.

Gangi þér vel :)

Fyrra álit

gthth fyrir 19 árum, 7 mánuðum

Fjöldinn sem kemst inn í HÍ er 75 manns (nema tveir eða fleiri séu jafnháir í neðsta sætinu, þá komast þeir allir inn). En það komast bara þeir sem ná prófum en ekki þeir sem falla, jafnvel þótt bara 60 myndu reyna; ef einungis 45 af þeim myndu ná, þá kæmust bara 45 inn. Veit ekki hvernig þetta er í HA.

___________________________________

Fyrra álit

gthth fyrir 19 árum, 7 mánuðum

Í Háskólanum á Akureyri virðist ekki vera clausus próf (þ.e. fjöldatakmörkun) og almennt stúdentspróf virðist nægja, ólíkt HÍ.

Launin eru varla góð og ég held að þau hækki ekkert mikið með sérhæfingu (t.d. ef þú færir í ljósmóðurina). Hins vegar geturðu unnið hvar í heiminum sem er með þessa menntun og í Skandinavíu eru launin aðeins betri. Systir mín ákvað t.d. að skella sér bara til Danmerkur og prófa að búa þar í smástund. Hún fær miklu hærri laun þar en hún fékk hér. Það er allt hægt :)

___________________________________

Fyrra álit

kvkgod fyrir 19 árum, 6 mánuðum

vil bara vyrja á því að leiðrétta síðasta svar.. en það er clausus á Akureyri… en þar geturu alveg farið inn af félagsfræðibraut… verður bara að vera hörð við þig og læra… :) en það á náttla við um allar aðrar greinar líka… er sjálf í kennaranum og raungreinarnar eru að fara með mann því ólíkt því sem er í R-vík þá þurfum við fyrsta árs nemarnir að vera í stærðfræði og eðlisvísindum á fyrsta ári…

Fyrra álit

gthth fyrir 19 árum, 6 mánuðum

Nú, er fjöldatakmörkun í hjúkrunarfræði í Háskólanum á Akureyri? Skrítið, þeir segja ekkert um það á vefsíðu sinni hérna. Hvar kemur þetta fram og hver er fjöldinn sem kemst inn á hverju ári?

___________________________________

Fyrra álit

kvkgod fyrir 19 árum, 5 mánuðum

nei það er ekki fjöldatakmörkun inn í skólann… en það er clausus um jólin… og þeir sem eru ekki meðal þeirra hæstu, komast ekki áfram…

Fyrra álit

gthth fyrir 19 árum, 5 mánuðum

Undarlegt að þetta komi hvergi fram á vefsíðu þeirria. Hversu margir komast þá inn?

___________________________________

Fyrra álit

gthth fyrir 19 árum, 5 mánuðum

Þessar upplýsingar er að finna í kennsluskránni og það er rétt hjá þér, það er clausus; fjöldinn sem kemst inn er 36.

___________________________________

Fyrra álit

Skóli

Skóli

Ofurhugar

Stjórnendur

Hverjir eru inni

Greinar

Hjúkrunarfræði

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi