Laugardagskvöld á Skjálfta og bæði DMTP og CTF búið fyrir daginn. Hvað eiga Quake 3 spilarar að gera? Spila Clan Arena? Instagib? Duel? Fara… *svitn* *kyngj* fara heim?

Nei, gerum turn.

Óstaðfestur orðrómur segir að heimsmetið sé 44 manns (var ekki með á hreinu hvort það væri bara í Quake 3 eða yfir höfuð), og verandi Íslendingar með víkingablóð kom ekkert annað til greina en að slá það met (og hey, ef heimsmetið er ekki 44 heldur hærra getum við alltaf sagt að við höfum hæsta turnið miðað við höfðatölu).

Fyrir hönd turn-nefndarinnar vil ég þakka öllum sem tóku þátt, þó sérstaklega Slay fyrir hugmyndina (held ég alveg örugglega) og server á eigin vél (yikes). P1mps voru búnir að lofa afnot af einum server næsta dag, en óþolinmæði okkar átti sér engin mörk, metið varð að vera slegið NÚNA. Kannski við náum að bæta metið á næsta skjálfta, þá á almennilegum server og vil ég minna fólk á að

1) ekki skjóta
2) gera +movedown í console eftir að hafa komið sér fyrir í turni

Myndir og demo af þessu er hægt að finna <a href="http://fallen.skjalfti.is/turn/“>hér</a> og einnig með comments á <a href=”http://www.cached.net/?go=demos/demo/single/8598">Cached.net</a>.