Held ég verði að koma með smá innlegg í þessa umræðu.
Það sem larandaria nefnir um að menn fái tónlistarnám og hjólabretti og vottevver metið inn í starfsverkefnanám er svolítið umdeilt mál. Jújú, auðvitað er það ekki í höndum neins eins að ákveða hvað er skátastarf og hvað ekki, því skátastarf er ekkert nema það sem skátarnir sjálfir vilji að það sé…
…en það er svo aftur annað mál að spyrja sjálfan sig hvernir svona dót tengist þínum störfum sem skáti.
Jú, sennilega gerir tónlistarnám t.d. það að fólk verður söngelskara og spili kannski á gítar og það stuðli þannig að aukinni tónlistarmenningu í skátunum (sem er að sjálfsögðu ómissandi liður í góðu starfi).
En hvernig getur t.d. mæting í tónlistarskóla x sinnum í viku eða að fara niður á Ingólfstorg og æfa flikkflakkhúlahúla hjólabrettastökk talist skátastarf?
Mitt álit er það að ef menn ætla að koma svona sérstökum hæfileikum eða öðru inn í verkefnastarf þá verði að gerast á vettvangi skátanna. Þá á ég við að Jói skeitbórd fari t.d. með flokkinn sinn á hjólabretti til að æfa sig saman eða að Dúddi söngspíra kenni flokknum sínum á flautu eða hjálpi þeim að syngja fimmundarsöng til að æfa fyrir sveitarkvöldvöku.
Skiljið þið hvað ég meina?
Hugmyndin með starfsverkefnum er að mínu viti að fá menn til að gera hluti á vettvangi skátanna, ekki að pína menn til að gera leiðinleg verkefni sem menn hafa engan áhuga á. Ekki heldur að láta þá sem eru í öðru starfi (t.d. tónlist) njóta þess að sleppa eitthvað áberandi ódýrar en hinir frá vinnunni í átt að t.d. forsetamerkinu, þó það sé sjálfsagt að menn fái umbun erfiðis síns ef þeir koma sinni sérkunnáttu á framfæri á vettvangi skátanna.
Held að þetta sé orðin ágætis langloka hjá mér ;)
Kveðjur Drangi!

Já larandaria mín. Skátastarf er einmitt að ganga á fjöll. Vera úti í óspilltri náttúrunni í góðra vina. Slappa síðan af við varðeld eða í notalegum skála, spila á gítar, syngja og láta fara vel um sig.
Síðan skríður hópurinn ofaní poka og hjúfrar sig saman. Svo vaknar maður morguninn eftir, hress og endurnærður. Fólk fer út að pissa, fær sér morgunmat saman, gengur síðan útfyrir.

-

Einmitt þetta snýst skátastarf útá í mínum huga, ekki það að geta gert olly eða geta bundið 12 hnúta á hálfri mínútu með bundið fyrir augun og hangandi í tré.

Mér gengur vel í skóla… ekki vil ég fá það metið. Ég get bakað og eldað kjúkling, en mér dytti ekki í hug að heimta vörðu útá það. Og í rauninni finnst mér þessar verkefnabækur ekkert ómissandi.