Því miður er það staðreynd hér á þessu áhugamáli að inn koma óþroskaðir einstaklingar með yfirlýsingar um að skák sé ekki íþrótt. Í rökum sínum segja þessir óþroskuðu einstaklingar að íþrótt sé þegar fólk er á hreyfingu. En eins og við vitum sem stundum skák þá sitjum við og hreyfum taflmennina fram og til baka. En af hverju nefna þessir óþroskuðu einstaklingar ekki íþróttir eins og hestamennsku sem er kölluð íþrótt? Þar sitja hestamenn á baki hestsins og láta hann um allt erfiðið og ef ekki gengur vel með hestinn fær hann síðuspark frá eiganda sínum. Af hverju nefna þessir óþroskuðu einstaklingar ekki bogfimi sem er talinn íþrótt? Menn standa með boga og ör sem getur drepið og miða því á spjald sleppa síðan strengnum eftir ákveðinn tíma og örin lendir í spjaldi. Hvorki í hestamennskunni né bogfimi er hreyfing á fólkinu en samt er þetta kallað íþróttir. Nú eitt af því sem þessir óþroskuðu einstaklingar stunda er að setja álit sitt undir greinar hjá viðkomandi og segja að skákin sé fyrir nörda, en þarna eru þessir óþroskuðu einstaklingar að skjóta sig í eigin fót því í raun eru þeir að segja að þeir séu nördar með því að setja svona ósmekkleg ummæli undir greinar hjá viðkomandi greinahöfundi. Ég er svo heppinn að ég stunda meira en skákina. Ég spila golf á sumrin og syndi allan ársins hring og svo er ég í líkamsrækt yfir veturinn. Þannig að mín hreyfing er nóg svo ekki ætti ég að fá skot fyrir það. Ég veit að ef þessi grein verður samþykkt þá koma þessir óþroskuðu einstaklingar eins og mýflugur og skíta yfir mig. En mér er sama því þeir sem hrauna yfir mig eru að eins að gera lítið úr sjálfum sér og þá get ég brosað og vitað það að ég vann, ekki þessir óþroskuðu einstaklingar sem reyna að skemma áhugamál annara með asnalegum yfirlýsingum sem stenst hvorki logn né vind. Því er von mín að þessir óþroskuðu einstaklingar leiti sér hjálpar eða leyfi okkur sem höfum áhuga á skák að vera í friði með okkar greinum og spjalli. Það vill svo til að það er til áhugamál sem heitir: syndir á huga og ég skora á þessa óþroskuðu einstaklinga að væla þar en á þessu áhugamáli. Svo í lokinn vil ég skora á stjórnendur að henda þessum niðrandi ummælum sem þessir óþroskuðu einstaklingar skrifa undir greinar annara og jafnvel setji þá í bann. Að lokum vona ég að allir hafi það gott um jólin og áramótin.