Alexander Benson var hamingjusamlega giftur.
Þau hjónin áttu heima á risastórri lóð en í pínulitlu húsi, og áttu varla fyrir mat vegna fjárskorts.
Ekki leið á löngu þar til Gretha, en svo hét kona Alexanders, varð ólétt.
Urðu þau hjónin mjög ánægð með það.
Einn daginn kom í heimsókn kona að nafni Milady, með ljóst, sítt hár og blá augu.
Hún heillaði Alexander upp úr skónum og flutti inn til þeirra.
Brátt kom að því að Gretha skyldi eignast barnið.
Nefndi hún barnið, yndislegan dreng, Eragon.
Á meðan Gretha fæddi Eragon, talaði Milady við ungan mann og bað hann að gera sér greiða.
Hann brosti og gekk í átt að hjónunum ungu.
Grethu brá og Alexander reiddist þegar ungur, svartur maður með risastór gleraugu gekk að þeim og reyndi að kyssa Grethu! Alexander hélt að Gretha héldi framhjá sér og skildi samstundis við hana. Hún hljóp grátandi í burtu og Milady fór til Alexanders og huggaði hann. Ekki leið á löngu þar til að Alexander varð ástfanginn af Milady og varð hún ólétt.
Urðu þau mjög hissa þegar hún Milady eignaðist fjórbura, Annie, Mariönu, Melody og Lisu*.
Einmitt sama dag átti Eragon 3 ára afmæli og hélt Alexander upp á það á meðan Milady hugsaði um fjórburana.

* Ég man ekki nafnið á henni ‘Lisu’….
Mig langar bara svona að segja ykkur en ég nefndi Milady í höfuðið á sögupersónu Alexander Dumas í sögunni “Skytturnar þrjár”, en hún var hættulegur njósnari, en um leið undurfagur kvenmaður.