En ólíkt slagorði USAF þá er slagorð Starfleet ekki hræsni. Þú sérð kannski ekki muninn, en Starfleet gerir allt til að reyna að komast hjá vopnuðum átökum, fórna jafnvel miklu til. Ég get ekki séð að Bandaríski flugherinn, fyrst hann var tekinn sem dæmi, geri það.
Það er alveg önnur saga hvað er að verða um Star Trek í dag undir stjórn labbakútana Berman og Braga, og ég ætla ekki að fara út í hana hér, enda málinu óviðkomandi. Það sem við (ég) erum að ræða er tilgangur Starfleet.
Er allt hitt aukadæmi sem þeir gera á friðartímum!? Á hvaða þætti hefurðu verið að horfa? Í hverskonar afneitunarvímu ertu eiginlega? Ég man ekki betur en að t.d. 85% af TNG gerist á friðartímum. Ertu þá að meina að þeir þættir séu bara svona til að varpa ljósi á hvað gerist á milli þess sem Starfleet sinnir sínu raunverulega hlutverki? Bull. Ekki segja mér að þú hafir ekki heyrt sagt í þætti hvert raunverulegt hlutverk Starfleet er…og já, á meðan ég man, horfðu á eitthvað annað en DS9.
Þetta með skipulag tignkerfisins sannar eitt og sér ekkert. Það er mörg friðsamleg kerfi með skýran valdapíramída, og í raun og veru er það svo að hvar þar sem mikilvægt er að stór hópur vinni snuðrulaust saman er hann til staðar. Meira að segja áhafnir kaupskipa nútímans hafa tign og eru bundnir hlýðniskyldu upp að vissu marki. Það er einmitt til nokkuð sem heitir Sjóréttur (Maritime Court) sem er dómsvald sem tekur á slíkum brotum.
Þegar öllu er á botninn hvolft er lokastaðreyndin óhrekjanleg. Star Trek er ætlað að útvarpa friðsamlegum boðskap og uppbyggilegri hugmyndafræði. Ef þú gerir þér ekki grein fyrir því, þá get ég allt eins hætt þessu.
Vargu