Andromeda eða “Gene Roddenberry's Andromeda” eru þættir sem sýndir voru á bandarísku sjónvarpsstöðinni Sci-Fi. Þættirnir - Eins og titillinn gefur til kynna - eru eftir snillinginn Gene Roddenberry sem við Trekkar þekkjum svo vel.

Þættirnir fjalla um Dylan Hunt sem er kafteinn á skipinu Andromeda Ascendant sem er flaggskip High Guard flotans. Það er floti risastórs samfélags (svipað og The Federation úr Star Trek) sem heitir The Commonwealth. The Commonwealth spannar 3 vetrarbrautir og ótal menningar og tegundir. Ein tegundana sem er partur af The Commonwealth svíkja The Commonwealth og ráðast gegn þeim með gríðarlegum flota. Í þeim bardaga lendir Dylan Hunt í svartholi á svokölluðum “event horizon” (ég veit ekki nákvæma íslenska þýðingu). Tíminn nánast stoppar og Dylan er fastur í 300 ár þangað til að lítið skip togar Andromeda uppúr svartholinu. Dylan ræður ólýklega áhöfn og ákveður að koma The Commonwealth aftur á fót.

Þættirnir urðu 5 seríur og voru að hætta núna í vor :(. Ég er búinn að vera húktur yfir þeim. Ég mæli sterklega með þeim.

kv. Jói