Jæja, það var nú alveg svakalega leiðinlegt hvernig síðasti þáttur endaði. Felicity og Joel voru tvö ein eftir í keppni um bíl en þau áttu að halda hendinni á bílnum og sá sem gæti það lengst myndi fá að eiga hann. En þátturinn endaði á því að þau voru alveg að fara að kyssast og bæði enn með hendina á bílnum. Felicity heimska að sjá ekki Matt sem er endalaust hrifinn af henni og örugglega það besta sem mun koma fyrir hana. Ég vona að hún sé bara að plata hann og eigi eftir að láta hann missa hendina af bílnum með því að kyssa hann.
Það var annars mjög skemmtilegt að sjá hvernig Karl sá í gegnum Darcy þegar hann sýndi honum “tilboðið”, hann er loksins farinn að átta sig, slæmt að Susan konan hans er ekki á sama máli, hún segist trúa honum afþví að hún þekki lygi því hún sé kennari, það væri ekki amalegt að hafa hana fyrir kennara fyrst það er svona auðvelt að ljúga að henni.
Það er leiðinlegt að sjá hvernig þetta faðernismál er að fara með aumingjans Lou, hann er ekki næstum því eins skemmtilegur og hann var. Við skulum bara vona að þetta fari vel og Lolly hætti í þáttunum, hún er nefnilega svo ógeðslega leiðinleg, hún hefur talað svona þúsund sinnum minna en Emily en er búin að vera þúsund sinnum lengur, svo talar hún eins og hún sé vangefin.
Ég vona að ég fái einhver komment og fólk fari að skrifa greinar hingað inn, miðað við hvað margir vældu um að fá þetta áhugamál *(þar á meðal ég) þá ættu að vera mun fleiri greinar. :)