Lewis-Clan

Þetta er meiriháttar máttarstólpi ættarsamfélags þáttanna og eitthvað sem hverfur ekki í bráð. Þetta lið er það fjölmennt að það tekur sér langar pásur og börn Billy Lewis þurfa ekkert fjölga sér fljótt því þau stjórna næstu 7 árum enn. Koma munu nýir leikarar fyrir þau þótt þau taki sér eftilvill frí. Josh til að mynda er í Evrópu með annan hóp af Lewisum. Börn sem verða örugglega búin að eldast um 6 ár á því 1 sem þau voru í burtu. Ef ég þekki sápur rétt.

H.B : Gamall kall sem hætti í þáttunum að mestuleyti um það leyti sem ég fór að horfa. Patríarkinn í Lewis klaninu. Hann var alltaf að segja “Reva honey….” eða “Billy boy…eða “Mindy darlin…”.” og eitthvað sem var kúrekalegt og óþolandi. Hann var giftur ungu gellunni sem var fyrrum kærasta beggja sona hans. Ég meina hver er það sjúkur? Alan Spaulding var þó lærimeistari Blake líka áður en hún lagði lag sitt einnig við báða syni hans. Það er soralegt að hjólhýsagyðjan Reva hafi riðið H.B, var hann einhverntímann ungur?

Billy: Hann er þarna einhver alki sem á að vera með Vanessu en er samt allveg búinn að vera ástfanginn áður (af Revu) og er núna giftur Nadine svo hver veit hvað þessi bjánalegi kúrekaviðskipakall er að hugsa. Mér finnst hann langdreginn og leiðinlegur og yndislegt þegar Roger reið litlu prinsessunni hans. Klassík. Óþolandi að Roger skuli alltaf tapa, ég hélt með honum þegar Billy og Dylan voru að vesenast í gettóinu að byggja fyrir heimilislausa. Ég veit þetta er ljótt en var það ekki leiðinlegt og hefði ekki verið gaman að sjá Roger sigra? En aftur að Billy.! Hann vill drepa Roger og er alltaf að bögga hann en maður skilur það svosem allveg. Þótt Billy leggi lag sitt við slíkt hjólhýsapakk einsog sumar áðurnefndar konur og hegðun pabba hans og barna þá er hann viðskiptajöfur og stjórnar Lewis Oil. Hann er stabíll foringi þótt hann hafi tekið alkaköst.

Mindy: Hún ætti að vera borgardruslan. Hún hefur riðið öllum, en samt ekki. Þeir eru alltaf ástfangnir af henni og hún er sífellt látin vera að giftast eða á stefnumótum að kynna nýjar karlpersónur. Ómissandi en óþolandi. Ég hef á tilfinningunni að þessi nýja minna barbielega Mindy komi tilmeð að verða mun skárri týpa. Hún fór á fyllirí og tekur Nick málinu bara ekkert svo óþolandi.

Dylan: Launsonur Revu og Billy frá því að þau voru unglingar. Reva laug einhverri nauðgun en það voru bara hún og Billy að halda framhjá Josh og svo kom barn sem bara Reva og Mama vissi um sem þær gáfu til ættleiðingar. Þegar Dylan kemur til Springfield er hann einmitt gæinn sem barnaði Harley á sínum tíma, hahahaha fáránlega langsótt. Hann á eftir að sanna sig, hefur hingað til bara verið að afmeyja og í samböndum með stelpum. Spurning hvort það verður einhverntímann meira, hann er svo góður og ljúfur. Virkar vitlaus.

Joshua: Hann hefur átt nokkrar konur og alvarleg sambönd og á 2 börn með sinni sönnu ást, Revu. Hann er ekki í þáttunum núna og ég nenni ekki að tala um hann.


Spaulding-Family

Þessi fjölskylda hefur verið aðal máttarstólpi þáttanna. Þaðan koma sterkustu persónurnar sem elska hvað heitast og sjúkast og ráðast fram gegn hver öðrum innan fyrirtækisins og öðrum utan, í sífelldum deilum sem tengjast stundum í ástamálin. Sannarlega spennandi.

*Alexandra: Hún er aðalkvenpersónan því hún er elst og matríarkinn í Spaulding fjölskyldunni. Hún hefur samt verið að missa tökin en síðasta brjálsemikast var náttlega afsakanlegt því hún hafði rétt fyrir sér. Henni tekst alltaf að vera spennandi jafnvel þótt hún sjáist ekki og maður vill ekki sjá hana lifa happily ever after. Það var viðbjóður hvernig Mindy reið manninum hennar, Alexandra átti meiri virðingu frá þeirri litlu druslu skilið. Alexandra hefur samt verið með mörgum auðjöfrum og framadrottnurum einsog HB og Roger. Hún hözzlaði líka Fletcher á eyðieyju. Einnig var hún mjög æsileg með listamanni á sínum yngri árum og leiddi það til þess fáránleika sem endurkoma Lujack leikarans var í þáttunum. Ég sá aldrei Lujack en þetta er samt heví fáránlegt. Asnalegt þegar Alexandra ætlaði að láta hann erfa fyrirtækisstjórnina, þrátt fyrir hatur ogáhugaleysi og laug að Alan Michael.
Alan Michael: sjá í 1.hluta

Það eru bara þau tvö, Alan Spaulding er í fangelsi og ég sá hann ekkert svo mikið. Hann var með Revu og reyndi að drepa Blake á brúðkaupsdaginn hennar en skaut óvart son sinn. Hann var víst vondur.

Það er náttúrulega Nick McHenry, við hæfi að hafa hann hér. Hann er sonur Alexöndru, mengaðist af Mindy og er núna með mjög væmnum lækni. Hann sér um fréttirnar en er annars mjög leiðinlegur karakter, nema þegar hann er að velta sér uppúr áhugaverðum rannsóknum.

Speaks fjölskyldan og aðstandandi.

Þau eru nú heilbrigða fólkið í þáttunum enda eru þau svört. Þau eru alltílagi en hafa hingað til öll verið frekar óspennandi fyrir utan Gilly sem er svo falleg.

Hampton: Hann er gamall vinur Billy´s, á veitingastaðinn sem allir fara á og er ekki óvinur neins. Fyrirlítur reyndar Roger fyrir Billys hönd.

Kat: Hún er dóttir Hamptons, vinkona Bridget og frekar leiðinlega góð stúlka. Maður virðir samt skynsemi hennar þegar tíminn rann upp að hún varð 18 ára, geðveik gella á framabraut og á leiðinni að afmeyjast.

*Gilly: Eiginkona Hampton, átti í frekar pirrandi hneykslisleyndarmálum á tímabili sem uppfyllingarefni í þættina en það lagaðist og núna er hún eiginlega “skópæa” Rogers á fréttastofunni. Hann launaði henni þó svo hún hefur enn ekki fengið frá Roger það sem hún var vöruð við, gjafir Rogers reynist henni samt erfitt að þiggja þvi þá verður hún að gefast á vald smá, sinnar innri illsku og ágirndar.

*David: Einhver vandræðabróðir Gilly sem er með þvílíka stæla en samt allveg fínn náungi og allir að böggast í honum,einhverjir snobbforeldrar og áhyggjufullt samfélag. Hann var samt hallærislega óður í byrjun. Það eru mjög margir karakterar þannig, sem blandast svo inní þetta samfélag gegnum ástarsambönd og fara að haga sér eðlilega. David er t.d að fara að afmeyja Kat. Þ.e ef hún fyrirgefur honum þetta með Bridget, vona bara að hann segi henni frá því. Annars var það geðveikt sætt, kom bara tandurhreint og fínt barn sem brosti og var dúlló. Nadine bara sæl, Billy ekki í bænum eða neitt. Hvernig fer það????

Bauer fjölskyldan

Þau eru góða upper middle class fólkið sem heldur alltaf falleg og heiðvirð fjölskyldujól og grillveislu fyrir næstum alla, góða og vonda ár hvert. Bauer karlmennirnir grilla fræga hamborgara.

Ed: Hann er fjölskyldufaðirinn og aðallæknirinn á spíalanum sem er frekar stabíll en lítt áberandi hluti þáttanna. Hann hefur haldið framhjá, með Holly og nú seinast með Lillian. Það var ógeð pirrandi. Hann er fyrrum alki og á að vera geðveikt jákvæð persóna með mannlega breyskleika.

Maureen: Hún er dáin en áhrifa hennar mun gæta um sinn svo ég hef hana með. Hún var alltaf svo góð, besta kona í heimi og náði til allra(samt tók maður aldrei eftir henni nema í unglingaatriðunum og sem vinkona Vanessu). Svo komst hún að því að maðurinn hennar hafði haldið framhjá með bestu vinkonu þeirra og hún dó. The End.
Michelle: Bara lítil stelpa sem vingaðist við gimsteinagelluna. Afkomandi framhjáhalds pabba síns sem mamma hennar ættleiddi. Vá Maureen var góð!

The Chaimberlains

Vanessa: Hún var gift Billy og frekar snobbuð hástéttar vipðskiptakona sem hefur stjórnað bæði Lewis og Spaulding. Hún er alltílagi. Á samt ekki að vera ástfangin af hinum ógeðslega Billy. Vibbi að henni var hafnað fyrir Nadine, svoleiðis er bara sick. Hún og Ross áttu barn saman sem unglingar og það var alið uppí sircus. Þau fundu það sem ungling en það týndist aftur, hvarf bara þegar ég var ekki að horfa og kemur ábyggilega einhverntímann. Skemmtilegt.

Henry: Hann er algert krútt! Ég var mjög fúl þegar Roger var að
leika sér að honum og niðurlægja hann því Henry er orðinn dáldið gamall, hann er bara krúttlegur kall sem er geislar af aristókratískumviðskiptavirðuleika og á allveg að fá smá virðingu.

Litli Billy: Krakki Billy og Vanessu sem er með foreldra sína á heilanum, skilur ekki hugtökin skilnaður og gifting og er mjög leiðinlegur við mömmu sína jafnvel þótt allt sem gerðist milli foreldra hans sé alfarið hans kúrekaföður að kenna.

Aðrir

Bridget Reardon: Frænka Maureen sem bjó hjá Bauer fjölskyldunni. Alger vandræðagelgja á þörfinni og sífellt í vandræðum en fór samt aldrei á fyllirí eða neitt skemmtilegt. Stakk bara vini í bakið og var heimsk en það er góður undirbúningur fyrir það sem koma skal í Springfield Ef Roger vissi að barnabarn hans var að fæðast væri hann sjúklega glaður, bara að hann vissi það, hann myndi sjá um Bridget og barnið með þvílíkum auðæfum. Og horfa uppá Billy niðurlægðan enn eina ferðin, æi nei, samt ég vil sjá þetta gerast.

Stavros: Uppáhaldið mitt meðal “annarra”. Hann er gríski frændi Frank sem kom með Eleni til USA til að giftast Frank. Hefur aldrei verið leiðinlegur en oft skemmt manni. Æðislegt hvernig hann skammar Alan Michael þegar hann riðst inná matstofuna (sem er allveg suddaleg, aldrei myndi ég fara þangað að borða). Frábært hvað hann tók öllum hræðilegu fréttunum hennar Eleni blíðlega þótt hann væri mjög reiður. Þjónar litlum sem engum tilgangi í meginplotti þáttanna en er yndi.

Fletcher: Það er eitthvað við leikarann sem pirrar mig en Fletcher er svosem ágætur. Hann fann upp nafnið The Dark Prince á Alan Michael og er oft ansi sniðugur en sést ekki mjög oft. Dæmdur til óhamingju í ástum, þ.e hann nær ekki að verða “stóra ástin” í lífi þeirra karaktera sem hann hefur lagt lag sitt við (Alexandra, Vanessa). Hann er einn af rannsóknargæjunum og smávegis einkaspæjari með Frank, Nick er í því dæmi líka og þessir gaurar eru allir heiðarlegir. Fletcher á að vera mjög góður blaðamaður og hann var mun meira áberandi í þáttunum áður en ég byrjaði að horfa.

Lillian: Hún er mamma hinnar frægu Beth, mjög fögur aðeins yfir miðaldra kona sem var einu sinni man ég, hafnað af Hawk pabba Revu fyrir þessa ógeðslegu “Mama”. Það meikaði ekkert sense. Lillan hefur bara verið alger aukakarakter þangað til hún fékk brjóstakrabbamein (vikum saman var brot úr hverjum þætti fræðsluhorn fyrir konur varandi brjóstakrabbamein, mér fannst það leiðinlegt en alls ekki svo vitlaust). Þá þurfti hún að vera stöðugt hangandi með lækninum Ed og auðvitað varð hún ástfangin af honum. Þau sváfu saman einu sinni og hún setti ástarbréf eða eitthvað (missti af vikunum í aðdraganda þess) undir jólatréð!!!! Glatað og óskiljanlegt. Það var nú bara alltsaman hrikalegt, ég meina það dró Maureen til dauða.

A.C Mallett : Hann er ágætur, fyrst var náttúrulega mjög leiðinlegt að sjá hann falla fyrir Mindy og sofa hjá þessum hræðilega ljóta saksóknara sem var að ofsækja Philip. Svo átti þessi AC að vera þvílík ofurlögga harðjaxl og tilfinningalega kaldur karl í krapinu. Hann vingaðist við Frank og þeir ræddu tilfinningamálin oft, nett á karlmennskunótunum. AC er einn af þessu fólki sem hatar Roger og lítur á hann sem sinn erkióvin. Man ekki útaf hverju. Hann skánaði til muna þegar hann varð loksins ástfanginn af Harley og fyrirsjáanlegt að hann svíki hana ekki einsog allir aðrir og að þau verði hugsanlega hin nýju Ed og Maureen. Það mun þó þýða mjög mikil tilfinningaleg áföll fyrir aumingja Harley frá sinni biluðu móðir ef hún á að fá að vera hamingjusöm í sambandinu. Tími Mallett í hjólastólnum eftir sprenginguna var leiðinlegur en ég trúði ekki að hann myndi ekki lagast og kannski hætta með Harley, það var mjög bjánalegt. Annars var líka óskiljanlegt hvernig þau fyrirgáfu Alan Michael bara hans þátt í þessu öllu saman, ég meina ég fíla Alan Michael en þau hefðu getað bjargað Eleni frá sínum martröðum mun fyrr ef þau hefðu bara fylgt réttvísinni.
Og sjálft tilfinningatröllið Frank hefði glóað bleikum geislum mun fyrr en það verður víst alltaf að valda manni vonbrigðum til að lengja plottin.

JulieCamaletti: Ég veit ekki afhverju hún heitir öðru nafni en bróðir hennar Mallett. Kannski er Mallett á flótta og breytti þessvegna nafninu, útaf þessum mafíósum í New York. Hún kom í bæinn til að búa hjá bróðir sínum og var mjög fögur og indæl hreinmey. Hún var mjög litlaus karakter og illa leikin en það var í lagi því hún skipti svo litlu máli. Hún var eiginlega bara í svona Rómeó og Júlíu plotti með Hart syni Rogers sem varð ástfanginn af henni þegar hún var að dansa og taka til í garðskálanum. Það var heillengi sem hann reyndi að afmeyja hana en hún var eitthvað ekki tilbúin og það var nú bara gott því Hart var alls ekki rétti afmeyjarinn heldur hann Dylan sem er mun eldri en Julie. Þau eru bara happy núna þótt Hart sé eitthvað að senda henni saknaðarblómvendi. Hún má samt ekki lenda í einhverju ástardrama með þeim því hún er ekki nógu góð leikkona til að geta staðið undir því. Þeir eru líka bestu vinir, annar sonur Rogers og hinn sonur Billy´s, getur fólk ekki fundið sér aðra vini og ástmenn en syni erkifjanda pabba síns eða annarra skyldmenna?

Eve Guthrie: Væminn læknir sem elskar Nick rosalega mikið. Týpískur aukakarakter og spurning hvað hún verður lengi í þáttunum, hún er náttúrulega ekki sanna ást Nicks. Ég held hann giftist henni ekki. Dr Saint-John varð líka nýlega geðveikur og dó, hann var líka ekki sanna ást Hollly og gat ekki sætt sig við það (hann var æði þangað til þeir gerðu hann vondan og geðveikan, helvítis bastarðarnir. Samantha átti að vera morðinginn og hverjum var ekki sama þótt þessi kona væri myrt?) ég spái því að Mindy eigi eftir að skjóta Eve einhverntímann þegar þær eru báðar allveg geðveikar. Ég greini rólegur-læknir-að-snappa einkennin sterklega hjá Eve.

Jenna Bradshaw: Hún kom í þættina sem frægur skartgripaþjófur sem Harley og Mallett voru að reyna að góma. Roger heillaðist af henni og þau fóru að vera saman og í gang fór enn eitt djöfullega ráðabruggið hans Rogers því hann fékk Jennu til að kæra fyrirtækið útaf því að hún fann sinn löngu týnda föður sem hafði einmitt búið eitthvað til sem Spaulding stal. Roger er að nota hana en mun ekki sigra, þetta er of grámyglulegt plott til að það sé verðug loksins-sigrar-Roger stund. Hún er mjög æsilegur karakter en einum of ótrúlegur. Hún er núna bara orðin alltaðþví fín frú í bænum og eitthvað en nýlega var hún á beinustu leið í steininn þarsem hún átti að rotna fyrir öll sín svívirðilegu gimsteinarán.

Hart: Löngu týndur sonur Rogers allveg einsog Dylan er löngutýndur sonur Billy. Synirnir eru báðir ákaflega góðir og Hart má hreinlega ekki vamm sitt vita og vill bara vera hestasveinn. Þessvegna eru þeir vinir, þeir eru í raun bara hjólhýsapakk. Það var óþolandi hvað Roger gerði bara allt fyrir Hart strax og gerði Blake greyið afbrýðissama. Það var augljóst að Hart ætti eftir að komast að öllu um illsku föðurss síns og afneita honum. Manni finnst það samt synd því Roger á ansi lítinn stuðning vísan frá fjölskyldu sinni núna eftir að Blake valdi Ross framyfir hann. Hart var ástfanginn af Julie en hélt framhjá henni í hlöðu með Bridget sem var allveg sjúk í hann og stakk svo af úr bænum þegar Julie komst að því og hann komst að sannleikanum um það að illar gerðir Rogers urðu þess valdandi að afi hans missti bændabýlið og dó síðan. Hart var að senda skilaboð til Julie og virðist hyggja á endurkomu. Saknar þess ábyggilega að vera hestasveinn hjá Alexöndru.

Ross Marler: Ég var næstum búin að gleyma honum. Mér hefur alltaf þótt Ross myndarlegur maður og fínn karakter. Hann er þvílíkt virðulegur saksóknari og bauð sig framtil þings en gat ekki hugsað sér að gerast skósveinn Rogers í Washington og gaf þingmennskudraumana uppá bátinn fyrir Blake. Hann er búinn að vera með rosalega mörgum konum (eða samt ekki þannig séð) t.d mjög lengi með Holly og svo hataði hann Blake útaf lífinu því hún var svo “vond” en er sem betur fer farinn að elska hana núna og er verðugur ástmaður fyrir hana þótt í eldri kantinum sé. Bara að hann og Roger yrðu vinir, Blake má allavega ekki alveg hætta að starfa með pabba sínum þótt hún sé núna orðin góð fyrir Ross og farin að vinna hjá Spaulding.

Þetta er svona það helsta, ég man ekki eftir fleiri persónum. Þetta er samt slatti margir, mun fleiri en í Nágrönnum og Glæstum vonum. Þessvegna gerast mun rosalegri hlutir en í Nágrönnum (þegar ég skipti á milli var ég einsog dópisti að auka skammtinn, nágrannar voru ekki lengur nóg með sínum hversdagsleik) og mun hraðar en í Glæstum vonum (ég get reyndar ekki horft á þá þætti). Það er alltaf eitthvað skemmtilegt í gangi í Springfield svo næstum enginn þáttur er a total vaste. En ég skil vel þá sem nenna ekki að horfa á þetta. Það gefur allveg til greina greindarskort og það tekur upp stórt heilapláss að vita allt um persónurnar og átta sig á tengslum löngu horfinna persóna við nútíðina í þættinum. Þetta ersvona langdregið fyndið öfga drama. Heillandi einkaþotuferðir, snekkjuhangs, glæsiveislur og uppskálduð stríðshrjáð lönd í Evrópu og einkaspæjun útum allar heimsins trissur, hvaða sápa gerir betur?