Eitthvað hefur skolast til varðandi barnakrossferðina. Hún var farin 1212 en ekki 1228, eins og skrifað er í Huga. Hún var í raun tvær “krossferðir”, önnur undir stjórn Stefáns nokkurs frá Frakklandi, sem hafði áður fengið íþyngjandi og endurteknar uppljómanir, sem taldar voru komnar frá Maríu mær, sennilega geðhrif frá vaknandi hatri gegn öllu sem ekki var nazifíseraður kristindómur sem ríkjandi var í Evrópu um þessar mundir. Með honum fóru 30.000 manns (take or give) ekki aðeins börn, heldur einkum flækingar, auðnuleysingjar og fólk sem flosnað hafði upp á Sturlungaöld meginlandsins.
Hin krossferðin var undir forystu Nikulásar nokkurs, þýsks hirðis á unglingsárum og með honum fóru heldur fleiri börn. Kaþólskir sagnaritarar hafa reynt að draga þessar “krossferðir” í efa, gera lítið úr þeim og gera aðra en kirkjuna ábyrga fyrir þeim, en sannleikurinn er sá að tónninn f´ra hinu háa sæti í Róm var “blessuð séu börnin, sgði ekki Jesús að þau ættu að koma til hans?”. Það var Innocentius páfi III. sem lagði blessun sína yfir þessi æfintýri og hvatti almenning til að fylgja, aðstoða og opna huga sinn fyrir börnunum sem ætluðu að frelsa Jerúsalem, hina helgu borg.
Gallinn við “Wikipedíu” og greinilega Huga líka er að það er of lítil krítisk hugsun, of lítið eftirlit með því sem skvett er út á netið, ef á að taka ykkur alvarlega verður að fara rétt með málin. En, hér er líka um skoðanaskipti að ræða, svo það er allt í lagi - hins vegar skal hafa það er sannara reynist, eins og einhverjum Ara ku hafa komist að orði forðum daga.