æ æ æ … hvernig á maður nú að svara þessu í stuttu máli ?

“Kalda stríðið” er orðtak sem nú er almennt notað um heilt tímabil mannkynssögunnar, þar sem nánast öll málefni voru lituð af hugmyndafræðilegri baráttu hinna raunverulegu sigurvegara í WWII, Bandaríkjanna og Sovétríkjanna. Bæði löndin voru orðin “risaveldi”, hernaðarlega öflugri en nokkur þrjú önnur lönd samanlagt. Þau börðust um áhrif og völd í heiminum, og mynduðu “blokkir” af öflugum bandamannalöndum. Heiminum var raðað upp í tvær harð-vopnaðar fylkingar, og ef einhverntíman hefði orðið stríð hefði það líklega þýtt heimsendi.

Þetta ástand í heimsmálunum hafði áhrif á nánast allt líf fólks allstaðar í heiminum, ekki síst hér á landi. Þessu lauk ekki fyrr en um 1990, þegar Sovétríkin leystust upp, og Bandaríkin urðu eina “risaveldi” heimsins.

Betur get ég ekki útskýrt hvað “Kalda stríðið” var í stuttu máli, en bendi þér á tala við fólk sem man eftir þessum tímum, og lesa bækur eins og td. “Cold War” eftir Jeremy Issacs og Taylor Downing (Minnir að hún sé til á Borgarbókasafninu).