Ekkert annað að gera en að halda áfram með hina klikkuðu framtíðarsýn. Líkindi við raunverulegar persónur eru ekki tilviljun.
Júlí 2013 Hillary Rodham Clinton naumlega endurkjörinn. Slagorð hennar í kosningum voru: hún hefur haldið okkur úr stríðinu. (Þá vísað til Nígeríu, en eftir hin þrjú kjörtímabil Bush eru BNA menn stríðsþreytt þjóð).
Ágúst. Átök halda áfram í Nígeríu. (Til gamans má nefna að Nígería er afar fjölmennt land, nánast hundrað milljónir, með ríkar náttúruauðlindir, óstöðugt stjórnarfar, frumskóga sem henta til skæruhernaðar í dag árið 2005).
September. ESB aðstoðar við kosningar í Líbýu.
Október. Vesturlönd og fjölmörg ríki innan Asíubandalagsins standa agndofa þegar forseti Kína tilkynnir að ekki verði komið á lýðræði í Nígeríu, heldur muni Kínverjar styðja til valda “stöðuga” herstjórn til að tryggja eignarrétt kínverskra þegna.
Nóvember. Ástralía og Nýja Sjáland tilkynna að þau styðji ekki Nígeríu innrásina lengur. Filippseyjar og Tæland fylgja stuttu seinna á eftir. Hillary flýgur til Peking til að hvetja ráðamenn til þess að setja upp lýðræðisstjórn og hún býðst til þess að BNA aðstoði við kosningarnar þar sem þeir hafi reynslu.
Desember. Kínaforseti lýsir því yfir að hann kynni að enduríhuga afstöðu sína. Þing Kína kemst í uppnám og þann 13des. er vantrauststillaga samþykkt á hann. 22.des tekur Ling Mei við völdum, hún (þetta er kona) tilkynnir heiminum að Kína hafi ekki í hyggju neinar málamiðlanir í Nígeríumálinu.
Jól haldin hátíðleg.
Janúar 2014. Ling Mei þrefaldar fjárveitingar til Kínverska hersins. Arthur Johnson formaður Demókrata á öldungaþingi BNA heldur ræðu um að Kína verði nú ekki einungis með fjölmennasta herinn heldur þann best búna líka.
Febrúar. Átök halda áfram í Nígeríu. Mótmæli fara fram í Suðurafríku yfir því að stjórnvöld leyfi Kínverjum að nota hafnir landsins fyrir herskip sín. Ling Mei tilkynnir að ef Filippseyjar dragi ekki tilbaka afstöðu sína í Nígeríumálinu og styðji Kína þá muni Kínverjar hætta að aðstoða Filippseyjar við baráttuna gegn hryðjuverkum. Sama mánuð hætta Kínverjar að fjárveita hjálparstarfsemi á Filippseyjum.
Mars. Pressa eykst á Leo Schulmann á að stækka Evrópuherinn. Leo svarar að hverri þjóð Evrópu sé í sjálfvald sett stærð her síns. Leo uppsker miklar vinsældir fyrir að sína staðfestu gegn hernaðaruppbyggingu. Aftur á móti verður hann afar óvinsæll í sveitarhéruðum Evrópu fyrir að leggja niður landbúnaðarstyrktarkerfið.
Apríl. Egyptaland gengur í arabíska tollabandalagið.
Maí. Ný stjórn í Nígeríu. Ling Mei tilkynnir að kínverskir hermenn kunni að vera í Nígeríu í náinni framtíð.
Júní. Stjórn Kína herða lög í landinu. Giftingar samkynhneigðra lögleiddar í BNA. Þrettán suðurríki neita að samþykkja lögin, Alabama, Georgía, Texas, Kentucky, Flórída, Virginía, Loisiana, Missouri gera samkynhneigð refsiverða í fylkislögum.
Júlí. Réttindabarátta samkynhneigðra hitnar í kolunum þegar hæstiréttur andmælir ákvörðun fylkjanna þrettán og nemur úr gildi fylkislög átta ofangreindra fylkja. Götuóeirðir brjótast út víðsvegar í landi hinna frjálsu og hugrökku.
Ágúst. Herforingjastjórn Búrma fellur niður. Indverjar og Tælendingar lofa að aðstoða við kosningar.
September. Kínverjar taka að yfirgefa Nígeríu. En halda átök áfram en stjórnvöld Nígeríu eru nú þess megnug að halda þeim í skefjum og langt frá olíuleiðslunum.
Október. Sala á vetnisbílum jafnar loks sölu á bensínbílum peningalega séð þótt bensínbílar séu ennþá framleiddir í stærri stíl. Bensínlíterinn er enn í 300 krónum.
Nóvember. Smáevrópusinnar afnema styrkji til námsmanna í gegnum ESB. Stúdentar andmæla og stórevrópusinnar segja að þessi niðurskurður sé tilraun til að binda enda á ESB. Leo segjir að einungis sé verið að hagræða fyrir skattalækkanir.
Desember. Kosningasvindl í Búrma, lýðræðisferlið kemst í uppnám. Kínverskir hermenn koma sjóleiðis og gera innrás. Tilgangur þeirra að sögn Ling Mei er að koma á stöðugleika. Jól haldin hátíðleg.
Janúar 2015. Ravi Shaatar Indlandsforseti leggur til þess að öryggisráðið setji viðskiptabann á Kína. Kínverjar og ESB beita neitunarvaldi. Ravi Shaatar hótar stríði. Allt lýtur út fyrir að tvö stærstu hagkerfi (og mestu stórveldi heims) muni koma upp á kant við hvort annað.
Febrúar. Texas og Alabama segja sig úr BNA í tvo daga. Þau koma aftur inn þegar Hillary tilkynnir að hún muni segja af sér. Varaforsetinn, Al Gore tekur við og verður forseti. Hann tilkynnir að stjórn BNA muni ekki beita fylki þvingunum til að samþykkja hjónabönd samkynhneigðra.
Kína og Indland slíta stjórnmálasamskiptum. Indverskir hermenn marsera inn í Búrma. Uppþot brjótast út í Tíbet þegar vonir glæðast um að Indverjar muni berjast fyrir sjálfstæði þeirra. (Á sjötta áratugnum minnir mig, lentu Indland og Kína í stuttu stríði sem að hluta til var út af Tíbet, Indverjar áttu í landamæradeilum við Kína og sumir vildu frelsa Tíbet).
Mars. Hillary hittir Ling Mei og Ravi Shaatar á friðarfundi höldnum í Tælandi, hún býðst til að vera sáttasemjari í deilunum. Bæði lönd samþykkja vopnahlé, áður en herir landanna mætast.
Apríl. Uppreisnin í Tíbet reynist skammlíf. Ling Mei lætur bæla uppreisnina með mikilli hörku.
Maí. Sökum gróðurhúsaáhrifanna hefur orðið mikið ójafnvægi í matarframleiðslu heimsins, allt lýtur út fyrir að bæði Kína og BNA muni ekki framleiða nægilegan mat handa sjálfum sér og neyðist til að flytja inn hrísgrjón og korn.
0
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.