Brotin loforð allstaðar
brotin hjörtu á dimmum bar
brotnar sálir biðja um far
burt, burt heim.

Skrítið hvernig skuggar þrífast
í skjóli manna lifa þeir.
Skrítið hvernig hjörtun brenna
skömmu áður en ástin deyr.

Fallnir víxlar engin vinna
veröldin er grimm og ljót.
Skrítið hvernig hjartað verður
hart og kalt sem grjót.

Ekkert kynlíf, þurrir kossar
kvíðinn situr um þig hér.
Taugar þandar, þreytan vegur
þúsund tonn á öxlum þér.