Það hefur verið eitthvað meira að honum andlega en venjulegt getur talist ef hann hefur brugðist við neitun frá þér með sjálfsmorði.

Sammála síðasta ræðumanni.

Vertu viss um að þetta er ekki þér að kenna. Þú hefur rétt á að velja og hafna þínum mökum og berð enga ábyrgð á því sem þeir gera í kjölfarið. Það eina sem maður getur ávallt reynt að gera og haft í huga er að sýna tillitssemi og aðgát þegar kemur að því að hafna slíku boði.

Að fremja sjálfsmorð er alveg rosalega stórt skref fyrir alla og taka - og kemur vanalega ekki til nema fólk sé á vonarvöl. Ef einstaklingur er það illa fyrir lagður að fremja sjálfsmorð vegna þess að einhver neitar honum í samskiptum kynjanna var það einungis dropinn sem fyllti mælinn. En það er ekki þitt vandamál því sama hvaða vandamál hefði komið uppá (eitthvað sem lífið hefur nóg af og mun gerast fyrr eða síðar) hefði þetta mjög líklega átt sér stað þegar fólk á enga orku eftir til að takast á við heiminn.

Ekki líða illa yfir þessu. Maður getur ekki lifað lífi sínu öðruvísi en það að sýna aðgát og tillitssemi. Ef þú gerir slíkt og þvílíkt getur þú alltaf haft góða samvisku í samskiptum við aðra.

Auðvitað er það ekki þér að kenna. Það er alveg voðalega sorglegt þegar svona gerist en ekki kenna þér um!

Ég samhryggist innilega

Ef hann var svo vitlaus að byggja vilja sínum á því að lifa eingöngu á því hvort að þú myndir vilja vera með honum eða ekki þá væri það í raun honum að kenna að vera svo vitlaus en ekki þér að kenna fyrir að hafa ekki neytt þig til að vera með honum til þess að hann dræpi sig ekki.

Annars þarf oftast mikið að vera að þér eða umhverfinu þínu(hvort sem umhverfið þitt er slæmt og því verður þú slæmur eða öfugt) til að þú fremji sjálfsmorð, að íhuga það og ganga svo langt að framkvæma það.

Nei, elskan mín..
þetta er ekki þér að kenna ..
það varst ekki þú sem sagðir honum að drepa sig, og þó þú hefðir sagt það þá var það hann sem framdi sjálfsmorð..
það er ekki hægt að kenna neinum um svona ..

Guð elsku kellingin mín!!! Auðvitað er þetta ekki þér að kenna!

Það er algengt að aðstandendur þeirra sem fremja sjálfsvíg finni fyrir sjálfsásökunum. Maður vill trúa því að eitthvað sem maður hefði sagt eða gert hefði getað bjargað ástandinu. Því miður er ekki svo því þetta er ákvörðun þess sem líf sitt tekur eftir allt saman.

Þú varst heiðarleg við hann, þú vildir ekki draga hann á asnaeyrunum og jánkast við einhverju sambandi sem þú hefðir ekki getað skuldbundið þig tilfinningalega í. Það gerir þig að heiðarlegri og góðri vinkonu framar öllu.

Ég samhryggist þér með vin þinn.

gaurinn átti líklegast mikið meira bágt en bara að þú neitaðir honum

þetta er ekki þér að kenna

P.S. ég er í bol sem stendur “ég geri ekki neitt fyrir neinn sem gerir ekki neitt fyrir neinn” á ^^ sódóma ftw

Hæ,

þar sem ég hef mjög mikla reynslu af þessum aðstæðum sem þú ert í ákkúrat núna þá leið mér eins og ég væri skyldug til þess að svara þér og segja eitthvað sem gæti hjálpað þér, en ég veit betur en það. Það er ekkert ákkúrat núna sem getur hjálpað þér almennilega, þetta er hlutur sem þú þarft að horfast í augu við sjálf og komast yfir.

Það mun taka langan tíma og mun vera erfitt, en ef það er eitthvað sem ég veit, og vinur þinn vissi, og þú sjálf veist innst inni ef þú hugsar þig virkilega mikið um, að þetta er ekki þér að kenna.

Þú veist að stelpur hafna strákum út um allan heim á hverjum degi. Þetta er hlutur sem gerist, fólk er ekkert alltaf hrifið af fólki og maður vill ekkert byrja með öllum, þannig er það bara. Milljónir manns fást við höfnun á hverjum degi, og það sökkar og það er sárt, en fólk kemst yfir það.

Það sem fólk kemst hins vegar ekki alltaf yfir eru einhver mun dýpri andleg vandamál, þunglyndi og annað, sem hrjáir einstaklinginn og fær hann til þess að gera eitthvað eins og að svipta sig lífi. Já, þú hafnaðir honum, en það er alls ekki ástæðan fyrir því að hann er ekki hérna í dag, það er eitthvað mun meira þar á bak við.

Farðu vel með sjálfa þig og gangi þér vel. Mátt endilega hafa samband í gegnum einkaskilaboð ef þú vilt tala eitthvað meira um þetta, ég hef sjálf verið í rosalega svipuðum aðstæðum og er hérna fyrir þig ef þú þarft einhvern að tala við sem getur skilið það sem þú ert að ganga í gegnum.

Don't flatter yourself