Sæll Stec.

Að segja að þú hafir gert mistök með því að vera áfram vinur hennar er ekki beinlínis hægt, því vinátta við manneskju sem hefur ekki gert þér beint mein er sjaldnast hægt að flokka á eins einfaldan hátt.

Hinsvegar, ef spurningin er hvað er best fyrir þig og hvernig þú átt eftir að jafna þig hvað best og halda áfram með líf þitt, þá myndi ég telja að þú þurfir að minnsta kosti langt hlé frá vináttu hennar.

Sambandsslit líkt og þessi geta verið manni gífurlega erfið, sérstaklega þegar maður er ekki sá sem átti upptökin af þeim. Til þess að geta látið sárin gróa, þá verða þau að fá frið, sem þau gera oftast ekki þegar stöðugt samband við fyrrverandi er til staðar. Ég er ekki að segja að þú þurfir að loka hana út úr lífi þínu til framtíðar, heldur að það sé sniðugt fyrir þig að klippa á samskipti í talsverðan tíma, allavega svona c.a. hálft ár til ár. Ef þú telur þig vera nægilega sterkan eftir þann tíma, þá geturu svosem haft samband aftur ef það að vera vinur hennar er ennþá mikilvægt í þínum augum.

Ein af helstu ástæðunum fyrir því að maður þarf að klippa á samskipti við sinn fyrrverandi er til þess að að fá yfirsýn yfir sambandið sem var að enda. Yfirsýn er nauðsynleg til þess að geta velt vöngum yfir þeim hlutum sem áttu sér stað, hvað hefði mátt fara betur o.s.frv. Einnig mun yfirsýn vera nauðsynleg til þess að geta loks tekið skrefin í átt til framtíðar (s.s. jafna sig og halda áfram með líf sitt).

Ég legg til að þú lesir þessa grein er ég skrifaði:

Um ástarsorg
http://www.hugi.is/romantik/providers.php?page=view&contentId=4332448

Þar fyrir innan eru ýmsir hlutir sem gætu eflaust aðstoðað þig til að gera þér grein fyrir því hvernig best er að taka þau skref sem þú þarft að taka til þess að geta jafnað þig og til að geta “haldið áfram með líf þitt”.

Ég vona að þetta gangi vel hjá þér og að þú sjáir fram á leið til þess að láta sárin loks gróa að fullu.

Kær kveðja,
Fróðleiksmoli

Aðeins þú getur dæmt um það hvort að það hafi verið mistök eða ekki að halda áfram að vera vinur hennar. Ég les það samt á milli línanna að þú berð ennþá tilfinningar til hennar sem í sjálfu sér er ekki slæmt en getur eyðilagt þig andlega.

Ég hef verið í mjög svipuðum aðstæðum og þú. Ég byrjaði með vinkonu minni sem að ég hafði þekkt í um 5 ár og allt leit voðalegalega vel út svona til að byrja með. Svo kom á daginn að hún bar ekki jafn miklar tilfinningar til mín eins og hún hafði gert fyrst en í stað þess að koma hreint fram og ræða þetta eins og fullorðin manneskja fór hún að spila einhverja leiki í kringum þetta og ljúga að mér í kjölfarið. Til að toppa allt saman sagðist hún ekki tilbúin í samband og byrjaði síðan með öðrum vini sínum 2 vikum seinna.

Sem betur fer þá kann ég aðeins inn á fólk og ég er fljótur að taka eftir því ef að einhver er að spila með mig eða ljúga að mér.

Þetta var auðvitað sárt að vita til þess að besta vinkona mín hefði komið fram við mig eins og hún gerði og þegar að ég bar þetta undir hana fékk ég rosalegar afsökunarbeiðnir og hún vildi að við yrðum áfram bestu vinir.

Ég svaraði henni með því að hlutirnir yrðu aldrei aftur eins og þeir voru og ég hugsa að þú verðir að gera það upp við þig hvernig þú sérð þessa vináttu ykkar í framtíðinni.
Það er gott og gilt að halda hlutunum góðum á milli ykkar en áttaðu þig á því að hún mun einn daginn kynna þig fyrir nýja kærastanum sínum og þú væntanlega hana fyrir nýju kærustunni þinni.

Ég get ekki sagt að mér finnist þú hafa gert mistök með því að halda vináttu á milli ykkar. Ég ákvað að halda hlutunum góðum á milli mín og fyrrverandi kærustunnar minnar en það koma dagar þar sem að ég óska þess að ég hefði einfaldlega slitið öll samskipti á milli okkar. Lygar og framhjáhöld særa og skilja eftir djúp ör.
En ég vil frekar halda hlutunum góðum heldur en að vera með illindi. En það er bara ég. Ég passa mig samt á því að hleypa henni aldrei of nálægt mér og ég passa mig líka á því að láta hana vita að stundum þá er ég í engu skapi til þess að tala við hana eða þá að ég hef aðra og þarfari hluti að fást við. Sting upp á að þú farir einhverja svipaða leið.

Kv.

NightCrow

Nokk sammála NightCrow og Fróðleiksmolanum.

Ég get ekkert fullyrt að þetta sé vond hugmynd hjá þér og þú munir gjalda þess andlega seinna meir.
En svona miðað við það sem ég þekki þá er betra fyrir þig að halda samskiptum ykkar í algjöru lágmarki.
Sms-samtöl á hverju kvöldi eru of mikið.
Ég held að einn daginn þegar hún byrjar með nýjum þá áttar þú þig á því hvað þú ert ekkert að komast yfir hana með þessu.
Gangi þér vel kall.

Í fyrra kynntist ég nokkrum strákum. Við urðum öll mjög góðir vinir og svo byrjaði ég með einum vini mínum. Það gekk ekki svo við hættum saman en núna erum við ennþá mjög góðir vinir :)

Bætt við 21. janúar 2007 - 20:07
Það virkar samt örugglega ekki oft að vera vinir aftur.