Sæll sLaPPi.
Ég verð því miður að ráðleggja þér á móti þessu.
Þessi stúlka er í sambandi. Þú ert hrifinn af henni. Þetta mun ávallt vera slæm blanda, hvort sem þú telur þig einungis vilja vera vinur hennar eða ekki. Þú viðurkenndir bæði fyrir okkur og sjálfum þér að þú berð tilfinningar til hennar. Þær tilfinningar munu ávallt “lita” þitt vinasamband með henni ef það yrði nokkurntímann til staðar.
Þessi “litun” á þínum tilfinningum gerir það að verkum að þú myndir aldrei vera henni “sannur vinur” ef svo má að orði komast. Hrifningu þinni mun ávallt fylgja ákveðin “óskhyggja” er kemur að ykkur tveimur og þessi óskhyggja mun í raun gera þig í einhverju formi að “hrægammi”, þ.e.a.s. þú munt ávallt innst inni “sitja og bíða” eftir sambandsslitum þeirra.
Að reyna að vera vinur þess einstaklings sem maður er hrifinn af endar oftast þannig að hrifningin magnast og magnast þangað til hún verður óbærileg. Þegar það gerist situru uppi með að vera orðinn svo yfir þig hrifinn að þú munt ekki þola að umgangast hana lengur og munt þurfa tífaldann tíma miðað við það sem þú þarft í dag til þess að jafna þig á henni.
Ég skil hversu freistandi það er að mynda vinasamband við hana í von um að einn daginn átti hún sig á því að þú sért hennar “eini rétti” en ekki kærastann hennar. Hinsvegar get ég sagt þér að stúlkur sem taka sér vini eiga það til að líta á þá einmitt þannig: sem vini eingöngu. Þessi skilgreining þeirra breytist nær ávallt ekki þótt samband þeirra endi og þær séu lausar og liðugar.
Það besta og réttasta sem þú getur gert er að láta hana “vera”, bæði fyrir þig og einnig hana. Þannig ertu að verja sjálfann þig fyrir líklegri “ofur” hrifningu af þinni hálfu í hennar garð sem þú munt svo eflaust aldrei fá endurgoldna, og einnig hana frá mögulegri afbrýðissemi frá kærastanum. Einnig ertu að halda því opnu að “ef” hún mun einhverntímann átta sig á því að hennar núverandi sé ekki hinn “eini rétti”; þá eru ennþá öll hlið opin fyrir þig þar sem þú ert ekki búinn að fá á neinn “stimpil” á þig frá henni. “Vinastimpillinn” getur og er í mjög mörgum tilfellum varanlegur (þótt að hið fræga [Friend Zone] sé ekki til að mínu mati).
Kær kveðja,
Fróðleiksmoli
já ég skil hvað þið eruð að fara, en gaman að sjá að það eru skiptar skoðanir á þessu en eftir að hafa lesið commentið frá fróðleikmolanum þá held ég að ég sleppi þessu (allavega í bili), en já sagði einhver bara tala við hana ef ég hitti hana á röltinu, en það eru stjarnfræðilegar líkur á að það gerist því hún á heima í alveg hinum megin á höfuðborgarsvæðinu og ég stunda miðbæinn lítið sem ekkert þannig…
en já mér finnst ekkert nema bull að stelpa megi ekki eiga góða (gagnkynhneigða) stráka vini ef hún er á föstu en ég skil samt hvað hann var að segja, því ef ég myndi nú segjum enda í sambandi með henni myndi ég ekkert vera mjög jolly með það að hún væri að hanga mikið með einhverjum gaur (en meina fer lika eftir því hvort maður treystir kærustunni sinni, það er eiginlega það eina sem skiptir máli, og náttúrulega hvort hún sé að vanrækja kærastann því hún sé svo mikið með strákavininum)
0
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.