Daður


Daður hefst á því að þú reynir að nálgast manneskjuna, sýna henni athygli og vekja áhuga hennar.

Ef þú finnur ekki fyrir gagnkvæmum áhuga þá er leikurinn dauðadæmdur frá upphafi.

Galdurinn er að vera með góða tilfinningu fyrir því hvenær þú ert að fá jákvæð viðbrögð og hvenær neikvæð viðbrögð því þá geturðu forðað þér frá mörgum vandræðalegum mómentum þar sem þú ert að reyna og ekkert að gerast!!!

Hvenær er verið að gefa þér auga?…..

Það eru til nokkrar leiðir til að byrja daðrið og sýna áhuga.

Manneskja er að sýna þér áhuga ef hún til dæmis snýr sér oft að þér og lítur til þín, færir sig til þess að þú getir sest án þess að þú þekkir hana, snýr hausnum lítillega og brosir eða einfaldlega reynir að ná augnsambandi.


Það sem virkar þó best ef þú ert í daðursstöðunni og vilt vera áberandi með hvað þú vilt, að gera nokkra hluti í einu eins og að halla höfðinu aðeins, ná augnsambandi og brosa svo daðurlega.

Þá ætti hinn aðilinn að gera sér fullkomlega grein fyrir hvað þú ert að gefa í skyn.

Það er á þessum fyrstu skrefum sem þú kemst að því hvort að manneskjan vilji ganga lengra, ef hún þykist ekki taka eftir neinu þá er alveg víst að hún hafi engan áhuga og þá er bara að beila.

Hvað er næsta skref?….

Þú finnur fyrir áhuga og ósjálfrátt byrjið þið að nálgast hvort annað.

Þá hefst oftast spjall um tiltölulega óáhugaverða hluti sem er mjög eðlilegt þegar þú ert að spjalla við manneskju í kannski fyrsta sinn, þið tvö ein.

Þið eruð ennþá að tékka hvort annað út og ekki farin að deila persónulegum hlutum ennþá heldur að athuga hvort hin manneskjan sé til í frekara spjall.

Þér er að ganga vel ef…

…þú finnur fyrir því að hún sé að einbeita sér að þér.
…hún horfir á ÞIG þegar þið eruð að tala saman.
…brosir og fer að hlæja þegar þú segir eitthvað skemmtilegt.
…reynir að ná stöðugu augnsambandi við þig.

Þér er að ganga illa ef…
…hún lítur mikið í kringum sig.
…hún er að leita að öðrum.
…hún spjallar við alla sem labba framhjá.
…hún virkar eirðalaus.
…snýr við þér baki þegar þú ert að tala við hana.

Snertingar eru mikilvægar……..

Spjallið heldur áfram og umræðuefnin verða alvarlegri og persónulegri.

Það eru oftast konur sem leika þennan leik, en það er að snerta mjúklega og “ómeðvitað” einhverja líkamsparta.

Þetta verða að vera þægilegar og fíngerðar snertingar sem gæti allt eins þýtt ekki neitt en líka þýtt allt.

Hann verður að skynja áhuga en ekki örvæntingu eða taugaveiklun, og það sama á við um karlmenn ef þeir eru í snertingunum.

Það er ekkert verra en að skynja að manneskja sem er að reyna við þig er stressuð og meðvituð um sjálfa sig, hrædd við að vera hafnað og búin að gefa upp vonina áður en hún veit svarið.

Líkamarnir tala saman………..

Nú finnurðu hvernig þið byrjið að samhæfa allar hreyfingar og hreyfa ykkur með hvort öðru.

Líkamarnir eru farnir að tala saman og þið eruð komin í djúpar samræður.

Þú finnur fyrir neistum ykkar á milli sem verður alveg yfirgnæfandi og þá býðurðu manneskjunni út eða hallar þér að henni og kyssir hana.

Þetta er vandmeðfarið og þú verður að lesa öll merki og vera viss um að þið eruð bæði að finna fyrir neistunum.

Ef þú finnur fyrir að þið eruð á sömu bylgjulengd og hin manneskjan er jafn áhugasöm fyrir þér og þú fyrir henni þá taktu af skarið.

Þú sérð meira eftir hlutum sem þú gerir ekki heldur hlutum sem þú gerir.

Þú verður að láta á það reyna……..

Þetta er ekki handbók um hvernig þú átt að gera hlutina heldur að leiðbeina þér að skilja hvernig þetta ferli virkar.

Skoða merkin og skynja þau.

Um leið og þú hefur farið í gegnum það nokkrum sinnum og ert orðin góð/ur í að meta aðstæðurnar þá ertu meðvituð/aður um hvað er í raun og veru að gerast.

Mikilvægasta í þessu öllu saman er þó að vita að atburðarrásin gerist ekki að sjálfu sér, þú verður að hrinda henni af stað. Ef þú athugar ekki hvernig manneskjan bregst við þá veistu aldrei hvað gæti hafa gerst.

Nú veistu, og þú vissir örugglega eitthvað af því áður, nákvæmlega hvað gerist þegar tvær manneskjur hittast.

Ekki eyða tíma þínum framvegis í að þykjast ekki skilja hvað er að gerast þegar þú hittir nýja manneskju…
It  Doesnt Matter who we are ,What  Matters its our plan. No one Cared who I was until Ill out the mask.