[Notanda eytt] fyrir 23 árum, 5 mánuðum Fjöldi lestra: 206

Hmmm, ástfangin?

Hmm, ástfangin? Er það ekki bara svona þegar maður er með einhvern fiðring í maganum yfir einhverri persónu? Er það að vera ástfanginn það sama og að elska? Ég veit að ég elska kærastann minn, og ég veit að ég vil eyða með honum ævinni, en er ég ástfangin af honum? Er hægt að vera ástfanginn eftir 6 og 1/2 ár? Er það hægt? Verður þetta ekki bara svona vani? Einhver rútína sem maður fer inní? Samt veit ég að ég elska hann, en ég upplifi kanski ekki neina sérstaka rómantík í sambandinu, frekar svona stöðugleika, öryggi, umhyggju jú og að sjálfsögðu ást.
Ég trúi ekki á eilífa ást og ég trúi heldur ekki á ást við fyrstu sýn. Ég trúi því að maður eigi að njóta ástarinnar á meðan hún varir. Og það er ekki að eilífu, amk held ég ekki! En ég er samt ekki að segja að það geti ekki gerst, auðvitað gæti þetta gerst hjá einhverjum, bara ekki hjá mér. Og ást við fyrstu sýn, hvernig er hægt að elska einhvern sem maður þekkir ekki? Ég mundi frekar kalla þetta hrifningu við fyrstu sýn, ekki ást. Mér finnst ekki vera hægt að elska einhvern nema maður þekki persónuna vel, sé búinn að kynnast henni/honum. Ég held að ást og hrifningu sé oft ruglað saman. Það er hægt að hrífast af einhverjum þegar maður sér hann, en ekki verða ástfanginn. Samt veit ég að sumt fólk talar um einhverja svona skrítna tilfinningu, eins og það hafi vitað að þessi aðili væri sá eini sanni eða sú eina sanna! Ætli maður viti það þegar maður hittir hinn eina sanna/hina einu sönnu? Verður þetta ekki bara alltaf einhversskonar rútína þegar líður á?

spacey fyrir 23 árum, 5 mánuðum

Þetta eru flóknar hugleiðingar hjá þér MKS.
Ég er sammála þér að ég held öllu leyti… nema ég þori ekki að trúa öðru en maður geti verið ástfangin alla ævi af sama manninum.
Er ekki væntumþykja og ást nokkurn veginn sami hluturinn ?

Fyrra álit

HJARTA fyrir 23 árum, 5 mánuðum

Maður fattar ekki leið og maður sér persónuna að þetta sé sú sem maður vill deyla öllu lífinu með en smá saman kemur það í ljós. Ég trúi að maður geti verið ástfanginn af makanum sínum alla ævi en maður verður að vinna að því, það þýðir ekkert að planta blómum í garðinn en hugsa svo ekkert um þau, þá visna þau upp og deyja. Fiðringurinn í maganum verður ekki alltaf til staðar en spenningurinn við það að hittast heima eftir vinnu og gera eitthvað saman jafnast alveg á við fiðringinn. En ég hef tekið aftir því að þessi skemmtilegi fiðringur kemur öðru hvoru hjá mér, t.d. þegar ég horfi í augun á kærastanum mínum og sé ástina í augunum hans og hann er virkilega að segja ég elska þig af öllu mínu hjarta og það ekki upphátt heldur með augunum. Þetta finnst mér rosalega rómantískt. Kærastinn minn segir oft við mig, mig hlakkar svo til að fara að sofa af því það er svo gott að liggja hjá þér og horfa á þig þegar ég er að fara að sofa og horfa á þig þegar ég vakna.

Ég held að maður verði bara að passa upp á sambandið og ástina og passa að það verði ekki rútína. Ég er sammála þér með, ég trúi ekki á ást við fyrstu sín, það er ekki hægt að verða ástfanginn og elska einhvern bara við að sjá hann eða hana í fyrsta skiptið :)
Kveðja
HJARTA

Kveðja

Fyrra álit

solanovitz fyrir 23 árum, 5 mánuðum

ég er nokkurn veginn sammála spacey - ég held að ef maður elski einvern á þann hátt sem maður myndi elska makann sinn (ekki svona móðurást eða þannig) að þá sé maður ástfanginn. Þýðir orðið “ástfanginn” ekki að maður elski einhvern á þennan sérstaka hátt sem maður elskar maka sinn?

Það er svo auðvitað hægt að elska fólk á annan hátt eins og ég elska foreldra mína, systkini, ömmu og afa osfrv. en ég segi samt ekki að ég sé “ástfangin” af þeim.

Ég vona að allir skilji hvað það þýðir að vera ástfanginn. Það er að elska einhvern sem þú vilt vera með alla ævi, einhvern sem er besti vinur þinn og elskhugi, einhver sem þú vilt að þekki þig eins og þú ert og einhver sem þú vilt þekkja eins og hann er. Það er svo margt annað sem hægt er að telja upp en ég held að þetta sé nokkurn veginn svona “grunnurinn” á bakvið það að vera ástfanginn af einhverjum.

Fyrra álit

frjals fyrir 23 árum, 5 mánuðum

Ég segji fyrir mig að ástfangin er eitt af þeim orðum sem er notað alltof of mikið
og í vitlausum tilgangi, þessu er bara fleygt héðan og þaðan og endar með að
það hættir að hafa upprunalegu meiningu sína. Ég veit bara til þess fyrir víst að
ég hafi verið einusinni ástfanginn, samt sem áður þá hafa félagar mínir margir
verið með kannski 5 sinnum fleiri stelpum á sama tíma og ég einni og ítrekað
segja þau bæði að þau séu t.d. ástfangin, og þessi gífurlega ást endist í 3 mánuði.

Ég trúi ekki á það að það sé til eilíf ást, ég trúi því að það sé til langlifandi ást
en það er svo gífurlega hætt við að þessi ást breytist í annað á löngu tímabili.
Ég veit ekki til neins sem ég þekkji sem hefur “eilífa ást”.

Þetta með þessi eini sanni er eitthvað sem ég trúi lítið á vegna þess hversu litlar
líkur eru þá á því að maður finni þennan eina/einu sanna/sönnu. Hinsvegar hef
ég tekið eftir því að fólk dregst að öðru fólki sem á vel við hvort annað og svo
lengi sem góðu stundirnar eru fleiri en vondu þá held ég að það sé manneskjur
sem passa saman.
Mínar litlu 20 krónur.

Fyrra álit

Czar fyrir 23 árum, 5 mánuðum

Það sem skiptir mestu máli eftir svona langan tíma er að þið séuð bestu vinir og þykir ofbðslega vænt um hvort annað.

Því eins og besta sem ég hef lesið um hjón var í einhverjum þætti um örryggi barna eða eitthvað, en það sem var sagt er þetta “Hjón verða að vera vinir” og mér finnst það svo innilega satt.

_______________________

Fyrra álit

pug fyrir 23 árum, 5 mánuðum

Ást er vissulega flókið fyrirbæri og oft getur verið mjög erfitt að hafa stjórn á henni. Ég held að ást fari eftir ákveðnu ferli, hún er aldrei eins. Fyrst kemur hrifningin fyrir hinni manneskjunni..með fiðringi í maganum og öllu tilheyrandi. Svo breytist ástin, hún er aldrei eins og oft vill fólk halda að það elski ekki hinn aðilann þegar þessi svokallaða hrifning er farin, en ég held að það sé misskilningur. Hrifningin sem myndast fyrst þegar fólk fer að vera saman breytist, en hún hverfur ekki. Fólk þarf bara að leyta hana uppi, gera eitthvað sérstakt saman og láta hvort öðru líða vel.
Elskum og verum glöð
Kveðja PUG ;)

Fyrra álit

Rómantík

Rómantík

Ofurhugar

Stjórnendur

Hverjir eru inni

Greinar

Hmmm, ástfangin?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi