Að þessu sinni er það kóngurinn sjálfur sem á myndbandið hér á rokk. Ha? Elvis? Nei, auðvitað enginn annar er David Hasselhoff. Ha? David Hasselhoff? Já, David Hasselhoff! Ekki bara frábær leikari heldur líka stórkostlegur söngvari og hreinlega fæddur skemmtikraftur. Plötur meistarans hafa selst í bílförmum í Þýskalandi og Dirk Nowitski (Dallas Mavericks) segist raula þetta lag til að einbeita sér þegar hann stígur á vítalínuna.

Hasselhoff var eins og ofar sagði ótrúlega vinsæll í Þýskalandi og átti hann stóran þátt í falli Berlínarmúrsins, og flutti einmitt þetta lag, Looking for Freedom þegar múrinn féll. Eftir að hafa sigrað Evrópu voru Bandaríkin næst. Hasselhoff hélt magnaða tónleika í Atlantic City sem einnig voru sýndir í pay per view sjónvarpsútsendingu en svo ótrúlega óheppilega vildi til að þetta sama kvöld var OJ Simpson að flýja undan lögreglunni í beinni útsendingu og átti Hasselhoff því ekki séns í keppninni um áhorfendur.

Ég hvet alla til að kynna sér feril þessa mikla meistara betur, en eftir hann liggja klassískar perlur eins og Jump in my car, Hooked on a feeling, Back in the USSR og svo auðvitað Baywatch lagið sjálft.

Don't Hassel the Hoff!