Nýjasta plata Guns N' Roses - Chinese Democracy - er komin á netið, n.t.t. á MySpace síðu hljómsveitarinnar. Þetta er fyrsta plata sveitarinnar með nýju efni í 15 ár. Gripurinn kemur hins vegar ekki í verslanir fyrr en á sunnudag.
Nú geta aðdáendur Guns N' Roses hins vegar hlustað á plötuna á MySpace síðu sveitarinnar, en óhætt er að fullyrða að hljómsveitin sé eins sú stærsta sem hefur sjósett heila plötu á síðunni.
Síðasta plata hljómsveitarinnar The Spaghetti Incident? kom út árið 1993, en þá lék sveitin ábreiðulög. Þar er að finna lög eftir sveitir á borð við Stooges, T-Rex, the Dammed og Fear, sem höfðu áhrif á Guns N' Roses.
Í framhaldinu sprakk bandið í loft upp og nú er Axl Rose, söngvari og aðalsprauta hljómsveitarinnar, einn eftir af upphaflegu liðskipaninni.
Flest lögin af plötunni hafa þó heyrst áður, t.d. er lagið Shackler's Revenge notað í tölvuleiknum Rock Band 2.
http://mbl.is/mm/folk/frettir/2008/11/20/chinese_democracy_a_netinu/
www.myspace.com/gunsnroses
Ég hvet samt alla til að kaupa diskinn ef þeir fýla hann eins og á að gera bara almennt mep diska sem maður fýla
Ladadí!
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.