Ég myndi mæta. :)

Rosalega væri það gaman, ég myndi mæta en örugglega fá hjartaáfall eða eitthvað. Hinsvegar þá er ekki líklegt að einhverjir af þeim muni spila saman aftur. Hér eru ástæðurnar.

Árið 1995 þá hringdi Jimmy í John Paul og spurði hann hvort að hann væri til í að fara í hljómsveitarferðalag með honum og Robert Plant. John Paul sem þá var nýbúinn að gefa út plötuna sporting life með frægri rokk söngkonu var alveg til í málið. Jimmy sagðist myndu hringja í hann eftir að hann væri búinn að tala við Robert. Robert hefur hinsvegar haft eitthvað á móti því að hafa John Paul með. Ástæðan hefur aldrei komið fram en fróðir menn telja að ástæðan sé sú að Robert hefur meinbug á fortíð sinni að því er virðist. Hann vildi alls ekki að litið yrði á þetta sem reunion, heldur bara hann og þeir en þar sem hann vissi að ef þeir þrír myndu spila saman þá myndu öll blöðin kalla það Zeppelin reunion. Þess vegna þurfti John Paul að lesa um tónleikaför Jimmy Page og Robert Plant í blöðunum. Sama ár voru Zeppelin innvígðir í rock and roll hall of fame. Þegar John Paul gekk upp að hljóðnemanum til þess að þakka fyrir sig þakkaði hann hinum fyrir að muna loksins eftir símanúmerinu sínu.

Jimmy Page og Robert Plant spiluðu saman árið 1995 og 1996 en tóku sér síðan frí til þess að taka upp plötu saman. Túrinn var náttúrulega mjög vel heppnaður og seldist upp áður en hann byrjaði. Þeir gáfu út plötuna walking into Clarksdale árið 1998. Plötunni gekk ágætlega en ekki eins vel og búist var við. Í kjölfarið túruðu þeir en ákváðu að hafa túrinn minni. Eftir túrinn ákvað Robert upp úr þurru að slíta samstarfinu sem kom Jimmy mjög mikið á óvart.

Síðan þá hefur Robert sett saman hinar og þesar hljómsveitirnar en sú nýjasta heitir Robert Plant and his strange sensations. Hann túrar um Evrópu reglulega og spilar á tiltölulega litlum stöðum. Hann spilar reglulega aðeins tvö Zeppelin lög en þau eru in the light og trampled underfoot. Hann hefur samt átt það til að spila önnur lög. Það ber að nefna það að Robert Plant hefur ekki sungið stairway to heaven síðan 1994. Hann neitar að syngja það og þykir mér það líklegt að hann muni standa við það.

Eins og málin standa í dag þá er John Paul Jones að fara að gefa út plötu í næsta mánuði. Síðasta platan hans seldist vel og að mínu mati var hún besta efni sem Zeppelin meðlimur hefur gefið út eftir Zeppelin. Túrinn hans var einnig mjög vel heppnaður og seldist hann upp. Hann er ánægður með það sem hann er að gera og efa ég það að hann sé tilbúinn til þess að hoppa á Zeppelin reunion vagn eins og er.

Jimmy Page er að því sem ég best veit ekki að gera neitt. Hann spilar kannski einn og einn tónleika og er einn slíkur á döfinni. Aðspurður segist hann vera í góðu formi og efa ég ekki að hann sé að hugsa sér eitthvað gott til glóðarinnar. Að mínu mati finnst mér að hann ætti að setja saman sína eigin hljómsveit og fara að gera eitthvað nýtt efni. Hann hefur enn aldurinn til þess. Robert er náttúrulega bara að gera eitthvað sem hann hefur ánægju af en það er að syngja gamaldags sixties slagara eftir sínu eigin höfði.

greatness.