Hljómsveitin A Perfect Circle er hliðarverkefni söngvara Tool, Maynard James Keenan. Hann er hins vegar ekki athyglisverðasti meðlimur hljómsveitarinnar heldur gítarleikarinn Billy Howerdel.
Billy Howerdel var gítartæknir hjá hínum ýmsu hljómsveitum, t.d. Smashing Pumkins, Tool, Guns n' Roses, o.fl. Þar kynntist hann hinum ýmsu tónlistarmönnum, Maynard þar á meðal. Þessi rótari samdi lög heima hjá sér og þegar Maynard heyrði lögin varð hann mjög hrifinn. Þeir settu saman hljómsveit með Paz Lenchantin, mest foxy bassaleikara heims, Josh Freese, fyrrum trommara Gn'R og Troy Van Leeuwen á gítar. Þarna koma saman nokkrir af bestu tónlistarmönnum bransans til að hjálpa vini sínum, Billy Howerdel, að gera góða tónlist. Maynard er kreditaður fyrir hluta af lagasmíðum en mig grunar að það sé meira textalega sem hann hefur komið að þessari plötu.
Spurt var í byrjun hvernig maður í hljómsveit á borð við Tool hefur tíma til að vera í annari hljómsveit og það er einfalt. Maðurinn er vinnufíkill. Hann er með puttana í fleiru en þessum tveimur verkefnum.
Einn punktur varðandi Tool sem mér finnst skemmtilegur. Adam Jones, gítarleikari Tool, var með Tommy Morello, gítarleikara Rage against the Maschine sálugu, í hljómsveit þegar þeir voru í high-school. Afleiðing af því var að Maynard syngur einskonar cameo bakrödd í lagi Rage… Know Your Enemy. Ef maður veit ekki af honum heyrir maður það ekki.