lenin fyrir 22 árum Fjöldi lestra: 447

Give me convenience OR give me death

Give me convenience OR give me death (’87)

Í dauðakippum sínum sendu Dead Kennedys frá sér þessa þrælfínu plötu. Hún inniheldur lög frá árunum ’79 til ’87, m.ö.o. líftíma hljómsveitarinnar.

Bandið var stofnað ’78, af þeim Jello Biafra (Eric Boucher), Klaus Flouride (bassi) og East Bay Ray (gítar). Trommarinn Ted (Bruce Slesinger) gekk svo fljótlega til liðs við þá félaga, en entist ekki ýkja lengi. Yfirgaf bandið eftir útgáfu á fyrstu plötunni, Fresh fruit for Rottin Vegtables. Við hlutverki Ted tók Darren H. Peligro.

Aðalsprautan og hjartað í bandinu, Jello Biafra, er einn af þeim sérkennilegri í tónlistarsögunni. M.a. bauð hann sig fram í borgarstjóraembætti San Fransisco ’79, endaði í fjórða sæti. Misminni mig ekki, hefur hann líka komið með álitlega tillögur varðandi stjórnmál Kaliforníufylkis, t.d. að stjórnmálamenn gangi um í trúðabúningum. En fyrst og fremst hefur hann tileinkað lífi sínu baráttunni gegn fasisma, kapitalisma og ranglæti í heiminum, auk rit og tjáningarfrelsis.

Platan.

Besta plata Dead Kennedys, gefur góða mynd af ferlinum, þónokkuð pólitískt en meiðir engan. Góður gripur í safnið. Eðalpönk með innihaldsmiklar upphrópanir.

Ýmsir hópar verða fyrir barðinu á Biafra, löggurnar, stjórnvöld, afkvæmi auðvaldsins og náungi að nafni Jerry Brown. Eftir því sem ég hef lesið mig til, skilst mér að hann hafi verið áhrifamaður í Repúblikanaflokknum fyrir nær 20 árum, fylkisstjóri Kaliforníu og sóttist eftir meiri völdum.

Ef fólk sækist eftir tóndæmum má benda á eftirfarandi lög sem standa uppúr;
Police Truck
Too drunk to fuck
California über Alles (einskonar óður til Jerry Brown)
Holiday in Cambodia

Is my cock big enough
Is my brain small enough
For you to make me a star
-Jello Biafra

ps. sá einhver hann messa í Reykjavíkurborg?

[Notanda eytt] fyrir 22 árum

YEAH ég ELSKA þennan disk =) bara Dírka hann =)
en ég sá ekki Jello Befra hér um árið ;( því miður ekki nægilega gamall

Fyrra álit

Korzybski fyrir 22 árum

Hef ekki ennþá keypt mér disk en verð að drífa í því…!

Eru öll þessi lög sem þú nefndir (Police Truck,Too drunk to fuck, California über Alles og
Holiday..) á þessum disk eða varstu bara að nefna lög með sveitinni?

Getur þú bent mér á einhverja fleiri diska með þeim sem er vert að eiga??? Ég er svo fátækur að ég verð að velja vel… :o/

Fyrra álit

lenin fyrir 22 árum

Sæll Lassie,

já, þessi lög eru öll á þessum disk. Væri ég þú mundi ég byrja á þessu disk, svo kaupa Fresh Fruit for rotten vegtables. En ef peningarnir eru af skornum skammti, skelltu þér þá á þennan.

kv.
Lenin

Fyrra álit

Mal3 fyrir 22 árum

Fín grein en ég verð þó að skjóta á að það lítur út eins og að Jello Biafra spili á Eric Boucher. Ekki eru hin nöfnin öll alvöru?

Anars er ég farinn að hlusta æ minna á pönk en þegar ég hlusta á það verða Dead Kennedys oftast fyrir valinu (mig vantar sko eitthvað með Fræbblunum ;)

Mæli með að fólk hlusti á þetta, jafnvel þótt fólk sé ósammála stjórnmálaboðsskapnum er þetta svo skemmtilega sett fram að allir ættu að geta glott ilskulega að textunum og stappað taktinn.

Fyrra álit

hbriem fyrir 22 árum

Mal3,
ef þú kemur á tónleikana hjá okkur á Vídalín í kvöld þá verða diskar Fræbbblanna til sölu þar, bæði safndiskurinn “Viltu bjór, væna?” og live diskurinn “Dásamleg sönnun um framhaldslíf”.

Stjórnmálaboðskapnum? Hvaða stjórnmálaboðskap? Að stjórnmálamenn eigi ekki að hafa vit fyrir manni?

Fyrra álit

Mal3 fyrir 22 árum

Ég biðst velvirðingar ef Fræbbblar taka þetta til sín um stjórnmálaboðskapinn! Þetta var meint almennt og ég hef sjálfur mjög gaman af þeim boðskap sem kemur stundum fyrir í því pönki sem ég hlusta á.

Hvað varðar Fræbbblana er sá boðskapur sem ég man eftir hin prýðilegasti. Bjór er hreinasta snilld og Nekrófíll í paradís líka.

Það væri rangt að steypa öllum pönkgrúppum í éinn flokk í þessu efni en t.d. hefur Jello Biafra verið duglegur að tala a.m.k. um stjórnmál.

Þakka þér fyrir að láta mig vita af tónleikunum, ég hefði örugglega misst af þeim annars. Ég bíst fastlega við að láta sjá mig í kvöld!

Kúkum á kerfið! :)

Fyrra álit

Mal3 fyrir 22 árum

Kom sá og fílaðii Fræbbblæna á Vídalín og verslaði diskinn Viltu bjór væna. The Strokes hvað? :)

Coral voru líka alveg fínir en eiga örugglega eftir að fínpússa sig til.

Fyrra álit

Cedric fyrir 22 árum

Ég var einmitt að hlusta á Fresh fruit for rotten vegetables í gær í fyrsta skipti. Þetta var einhver endurútgefinn pakki með meðfylgjandi aukadisk. Helvíti eigulegt… og bara helvíti skemmtilegt líka.

Ég hef alltaf verið hálf veikur fyrir pönki frá því að ég og vinir mínir lágum yfir Purrki Pillnikk og Fræbbblunum svona við 11-12 ára aldurinn (mjög viðkvæmur aldur). Hef samt aldrei náð almennilega að fíla Sex Pistols, en það er önnur saga.

——————————

Fyrra álit

Mal3 fyrir 22 árum

Pistols eru fínir en ég hef í seinni tíð fílað einmitt Dead Kennedys og Fræbblana best í pönkinu. Hef þó ekki hlustað á alveg nógu mikið af pönki í raun og ekki heldur af þessum þremur hljómsveitum.

Skrifandi um pönk og að hlusta á Apparat Organ Quartet í sömu andrá… Cookie!

Fyrra álit

Cedric fyrir 22 árum

Ekkert kynnt þér Purrk Pillnikk?? Ég hlustaði ansi mikið á þetta íslenska pönk/nýbylgjurokk þegar ég var yngri og þeir stóðu uppúr. Platan Ekki enn var endurútgefin fyrir nokkrum árum og er algjör snilldarverk. Síðan kom að ég held safndiskur út með þeim fyrir síðustu jól þó ég hafi ekki fundið hann í neinni búð þegar ég var að leita um jólin.

Ég var nú að hlusta á Holiday in Cambodia og lesa einhvern póst eftir huganotanda sem kallar sig POLPOT í sömu andrá.. þvílík upplifun ;-).

——————————

Fyrra álit

Cedric fyrir 22 árum

Argh hvað mig langar í þennan disk!
http://www.skifan.is/skifan/product.asp?SKU=sme9cd&pa rent_id=1

Og myndi jafnvel borga 3400 kall fyrir hann…

——————————

Fyrra álit

Mal3 fyrir 22 árum

Pol Pot? How sick can you get…

Fyrra álit

Cedric fyrir 22 árum

Mæ þogt exsaktlí… held að hann ætti að finna sér nýtt átrúnaðargoð.

——————————

Fyrra álit

Mal3 fyrir 22 árum

Hvað hafa mörg pönklög verið samin um voðaverkin í Cambodiu? Nekrófíll í paradís með Fræbblunum og Holiday in Cambodia með Dead Kennedys…?

Fyrra álit

Cedric fyrir 22 árum

Þau eru ábyggilega ófá..

Humm ég hafði nú reyndar ekkert pælt í um hvað Nekrófíllinn fjallaði enda var ég ekki mikið að pælí boðskapnum í textunum þegar ég var 12 ára :).. En sé það náttúrulega um leið núna þegar ég les textann ;).

Eina textaröðin sem hefur fests (stafsetning?) í mér með Fræbbblunum er þessi:

Þið getið hnýtt ykkur
saman á rasshárum og slefað svo vel
hvor uppí annars kjafta.

Gríðarleg snilld :). Var að skella í “Villtu bjór væna?”, er greinilega búnað hlusta alltof lítið á hann síðan ég verslaði hann.

——————————

Fyrra álit

Mal3 fyrir 22 árum

Ahh, hvað er gaman að því að heyra fólk syngja gegn kerfinu. Mesti misskilningur að þessir menn séu oftast andkapítalistar… En það er ekki hægt að ætlast til að tónlistarmenn séu stjórnmálalega þroskaðir virðist vera :)

Fyrra álit

Korzybski fyrir 22 árum

Mal3.. keyptu þér endilega sanfndiskinn “Viltu bjór væna” með Fræbbblunum hann fæst í öllum betri hljómplötu verslunum og er ansi hreint skemmtilegur!!

Fræbbblarnir eru líka að fara að spila á Vídalín næsta þriðjudag með Suð og Coral, 500 kall inn..

Fyrra álit

Mal3 fyrir 22 árum

Ég var svo heppinn að vinnufélagi gleymdi þeim disk í vinnunni eitt sinn. Ég hlustaði á hann fram og til baka með risaglott á smettinu :)

Fyrra álit

Cedric fyrir 22 árum

Bara til að besserwisserast aðeins þá eru Fræbbblarnir með þremur bjéum :-). Gríðarlegt pönk í sjálfu sér.

——————————

Fyrra álit

Lummi fyrir 21 árum, 8 mánuðum

hvar er hægt að kaupa diska með Dead kennedys

Fyrra álit

Rokk

Rokk

Ofurhugar

Stjórnendur

Hverjir eru inni

Greinar

Give me convenience OR give me death

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi