noise - DIVIDED Þriðja breiðskífa noise er nú fáanleg í öllum helstu plötubúðum. Platan heitir DIVIDED og er fyrsti singullinn nú kominn í spilun á X-inu977 og Rás2. Einnig er myndband við lagið komið í loftið á netið :

http://www.facebook.com/video/video.php?v=10150095341269409

Forsprakkar noise, tvíburabræðurnir Einar Vilberg & Stefán Vilberg pródúseruðu plötuna.

DIVIDED var tekin upp í Tankinum á Önundarfirði, undir stjórn Önundar Pálssonar.
Jolyon Thomas sem hefur m.a unnið með sveitum á borð við Radiohead, tók svo upp bakraddir & fleiri gítara fyrir sveitina í London stuttu síðar.
Einnig hljóðblandaði Jolyon plötuna ásamt Einari & Stefáni.

Bandaríski upptökustjórinn Beau Hill lagði svo lokahönd á plötuna.
Hann er þekktastur fyrir að hafa tekið upp plötur með Alice Cooper, Warrant og Europe og hafa þær útgáfur selst í hátt í fimmtíu milljónum eintaka.

DIVIDED var gefin út þann 13.september, en platan var seld í stafrænni forsölu á gogoyoko.com & hefur hún á aðeins 4 dögum
komist í sæti #6 af mest seldu plötum gogoyoko.

Stefán og Einar Vilberg eru einu upprunalegu meðlimirnir í noise sem eftir eru. Nýir meðlimir eru Egill Rafnsson og Arnar Grétarsson sem áður voru í Sign.
noise hefur spilað töluvert erlendis í gegnum árin, þar á meðal í Bretlandi, Hollandi og Belgíu.
Á síðasta ári var sveitin tilnefnd til Pure Rock-verðlaunanna í Bretlandi sem besti nýliðinn.

Útgáfutónleikar DIVIDED eru svo fyrirhugaðir 5. nóvember á Sódómu Reykjavík í samstarfi við X-ið977.