Ég er ekkert að biðja um að neinu sé breytt núna. Mér finnst þetta bara svo fáránlegt að einhver einn stakur þáttur, og það svona svakalega “merkilegur” þáttur, sé tekinn fram yfir annan dagskrárlið, sem ég er nokkuð viss um að sé mun vinsælli en flutningur einhverra hjóna úti í heimi og hvernig þeim gengur að finna húsgögn og eitthvað kjaftæði.

Og þó svo engu verði breytt finnst mér það bara allt í lagi að segja sína skoðun. Það hefði líka alveg örugglega verið hægt að troða þessum beckham þætti einhvers staðar annars staðar inn í dagskrána.

Ég veit alveg að þátturinn verður eftir viku. Málið er bara það að þetta er fastur dagskrárliður og mér finnst það óþolandi þegar eitthvað annað er látið ganga fyrir, og þá sérstaklega þegar það er einhver hörmulegur ruglþáttur. Það er allt annað mál þegar landsleikir eru teknir fram yfir dagskrárlið á RÚV, ég sætti mig við það.

Ég er að borga fyrir “þjónustu” og ef mér líkar hún ekki þá er ekkert að því að kvarta.