Ómar Daði Sigurðsson er
skrifaður fyrir síðunni dci.is, en
hann segist ekki ætla að halda
rekstri hennar áfram.
Hræðist ekki SMÁÍS
„Það er ekki vegna þess að við séum eitthvað hræddir við SMÁÍS heldur vegna þess að vesenið er
bara svo mikið í kringum þetta. Við ætlum að gefa lénið og þá munum við ekki lengur stjórna síðunni.
Hvenær þetta gerist veit ég ekki með vissu,“ sagði Ómar og bætti við: „Mér finnst líka SMÁÍS ganga
of langt í þessu máli öllu. Þeir hefðu betur gengið að samningaborðinu því þá horfði málið öðruvísi við. Ef notendur borguðu til
dæmis 1000 krónur á mánuði gegn ótakmörkuðu niðurhali þá myndi það skila sér í ágætis
tekjum. En við erum líka með lögfræðinga og teljum okkur standa réttum megin við lögin.“
Ómar segir að mistök torrent.is
hafi verið að rukka notendur sérstaklega
fyrir greiðari aðgang. Þannig sé það ekki hjá honum.
Ómar kannast ekki við að með athæfinu sé hann að hafa fé af listamönnum.
„Ég get ekki gengist við því.“