IcEEyE fyrir 23 árum, 3 mánuðum Fjöldi lestra: 859

Lína.Net

Mikið hefur verið sagt og mis gáfulegt en hér eru nokkrar staðreyndir um Línu.net og fleira.

Ef þú býrð í blokk er komið með ljósleiðara inní húsið hjá þér. Í rafmagnstöfluna er settur HUB eða Switch ( stór munur ég veit ) og svo færð þú 100Mbit Net inn til þín. Ljósleiðarinn inní blokkina er svo tekin og tengdur IP-Router í næstu spennustöð. Þar tekur við IP-Net milli spennistöðva. IP-Net er t.d. mun öflugra en ATM net eins og ég held að LS sé með. Ég veit ekki hver hraðinn verður á því en hann er mjög líklega einhver Gbit.

Svo þú deilir tenginguni út í spennu stöð með þeim sem búa í blokkinni og svo IP-Netinu með öllum. Við verðum þó að átta okkur á að þetta er net svo allir pakkar eru ekki að fara sömu leið svo heildar flutningsgeta þess getur verið meiri en Gbit talan sem gefin er upp á því. T.d. ef ég er að spila leik við einhvern í hverfinu þá hefur það engin áhrif á einhvern sem býr í öðru hverfi nema hann þurfi að tala við eða í gegnum hverfið mitt.

Nú svo er það tengingin úr landinu. Eins og er er Lína.Net með 45mbit tengingu. Það þarf því einungis einn notanda til að sprengja hana. Nú ef þeir eru tveir skipta þeir henni bara á milli sín o.s.fv. Nú er það svo að Intís er líka með 45MBit og LS einnig. Svo hvað verður þá hraðvirkast? Allir notendur Intís skipta þeirra 45MBit með sé og það sama gildir um LS. Svo sú tenginging sem hefur FÆSTA notendur per MBit verður hraðvirkust algerlega óháð hversu hraða tengingu þeir eru með. ( ADSL eða Línu.Net ) Ég veit að þetta er smá einföldun því módem notendur geta kannski ekki fullnýtt sér sinn hluta af bandvíddinni svo aðrir græða á því en þetta er fullkomlega rétt hvað varðar allar stærri tengingar eins og ADSL og Línu.Net.

Einnig er smá spurning um MB gjöld en með þeim má fæla notendur frá því að vera alltaf að nota tenginguna úr landi. Reyndar skilst mér að Lína.Net ætli ekki að rukka nein MB gjöld og finnst mér það fásinna því þá er hægt að bóka að þegar ég ÞARF bandvídd til útlanda eru allir unglingar landsins að Download-a nýustu Futurama þáttunum eða eitthvað. Ég tel þó líklegt að þetta verði svipað hjá öllum í framtíðinni.

Það þarf því að skoða nokkra hluti hvern í sínu lagi þegar tenging er valin.

1. Hraði til útlanda. Þetta ræðst af fjöldan notanda per MBit tengingu úr landi. ( Spurning hvor vinnur LS eða Lína.Net )
2. Hraða innanlands. Þetta ræðst af hversu feitan línk þú hefur og hversu öflugt “Back Bone” er í netinu. ( 100Mbit og IP Back Bone, Lína.Net vinnur þetta örugglega )
3. Verð. ( Það verður eitthvert verðstríð 8-) )
4. Ping fyrir leiki. Lína.Net er algerlega Digital en mér skilst að ADSL noti Modem og ef það orð er notað hér á réttan hátt er nokkuð ljóst að Ping ætti að vera betra hjá Linu.Net
5. Þarf ég að skipta aftur? Mér finnst líklegt að ADSL muni einhverntíman renna sitt skeið ( LS er líka að leggja ljósleiðara ) en ekki er líklegt að ljósleiðarar verði úreldir á næstunni.

Eitthvað fleira? Kannski en ég fæ mér Línu.Net.

[Notanda eytt] fyrir 23 árum, 3 mánuðum

Góð grein.

Ég er svo heppinn að lína net kemur í mína götu fyrst, það eru nokkrar götur sem verða tengdar fyrst, og ég er í blokk þannig að ég ættla pottþétt að fá mér þetta, auk þess er mjög svipað verð á þessu og ADSL.

Held að það sé verið að leggja þetta núna hjá mér :) Línet.net .. JÁ TAKK :Þ

Fyrra álit

kristas fyrir 23 árum, 3 mánuðum

Geturðu útskýrt fyrir mér að hvaða leiti ip-net er “mun öflugra en ATM net”?
Þér til upplýsinga þá vinnur ATM net með pakka í vélbúnaði. Það gerir það að verkum að ATM net getur flutt hvaða gögn sem er á hraðvirkann og örugann hátt. Þetta er öfugt við ip- net sem vinna með pakka að mestu í hugbúnaði. Í dag er unnið að því að staðla leiðir til þess að byggja inn í Ip-net mismunandi gæðaflokka (Quality of Service). Gæðaflokkar (QoS) eru innbyggðir í ATM tæknina. Hér á landi og erlendis er ATM helsta “backbone” net fjarskiptafyrirtækja og mun verða það um ókomna framtíð. Bæði ATM- og ip-net munu þróast áfram og að öllum líkindum munu þau renna samann eftir nokkur ár í MPLS-net.
Á þeim tæplega 2 árum sem ATM-net LS hefur verið í notkun hefur aðeins einu sinni þurft að reboota ATM sviss (af um 50 sem eru í gangi). Á sama tíma þarf að reboota ip-routerum nokkrum sinnum á ári. Þessi net eru því, í dag, langt frá því að vera samærileg hvað varðar uppitíma eða áræðanleika. Hvort það mun breytast á eftir að koma í ljós.
Kv
Kristinn
Ps. ADSL er digital tækni og ég er að fá 0-5ms á pingi til www.simnet.is á minni 1.5Mbps ADSL tengingu. Geri aðrir betur :-).
K
Pps. Það er rétt að ADSL mun úreldast hraðar en lósleiðari. Vandamálið er að þú er ekki að bera saman sömu hluti. Nær væri að bera saman endabúnaðinn því í honum er mesti kostnaðurinn. Hvað endist tölvubúnaður lengi á þínu heimili? 2-4 ár í mesta lagi og þá kaupirðu nýtt. Það er ekkert sem bendir til annars en það sama eigi við netbúnað. Í dag er meðalnotkun hvers ADSL kúnna sem er tengdur á ADSL LS undir 50kbps. Það er því spurnig hvort það sé rétt að kaupa dýrari tengingu sem mun ekki nýtast þér nema að litlu leiti eða kaupa ódýrari tengingu sem mun fullnægja þörfum þínum. Þitt er valið :-)
K

Fyrra álit

IcEEyE fyrir 23 árum, 3 mánuðum

Ég er alveg tilbúinn að borða ofaní mig þetta með ping-ið enda sagði ég að þetta væri svona ef módem væri hér notað á réttan hátt en eins og svo oft áður er þetta orð misnotað. Módem er nefnilega eitthvað sem breitir Stafrænu merki í Analog eða hljóð.

Ok. Hvað er svo betra við IP en ATM.

Í fyrsta lagi passar 53 bæta pakka aðferð ATM einstaklega illa fyrir IP-pakka fluttning og hafa ransóknir sýnt að um 17% bandvíddar tap á sér stað í ATM þegar það er að flytja venjulega IP-pakka.

Sveijanleiki IP er líka mun meiri. Þ.e.a.s. ef traffíkin er mikil má senda pakkana aðrar leiðir en ATM hefur fast lengdar leiðir og því má fá mun effectívara netkerfi.

Viðhald á IP er líka mun einfaldara. Hér er smá quote frá Victor Parente, chief network architect hjá AOL en þeir ákváðu að skipta öllu ATM dótinu sínu út fyrir IP.

Circuit management is made easier as well, Parente says, noting that the ATM mesh array, to fit the size of AOL today, would require troubleshooting 1,200 circuits, as opposed to the eight circuits he has to watch using IP-over-Sonet

Ég veit að það vantar QoS í IP en við erum að tala um tölvu traffík og tengingu inná netið svo hverjum er ekki sama um QoS? Lína.Net er ekki með síma kerfi en í slíku kerfi er QoS nauðsinleg.

Fyrra álit

kristas fyrir 23 árum, 3 mánuðum

Það er rétt hjá þér að þegar ip er flutt yfir ATM þá bætst ATM-overhead ofan á ip-overhead. Hve mikið fer algerlega eftir traffík gerðinni. T.d. þegar mikið er um litla ip-pakka þá verður overhaeadið meira vegna þess að þá nýtast ATM cellurnar ekki vel en þegar um er að ræða tiltölulega stóra pakka þá er overheadið minna.
Aftur á móti þá er ég ekki sammála að ip sé mun effektivara netkerfi. Þegar ATM rás er sett upp þá er teknir frá resourcar í minni og bufferum í kerfinu til að senda gögn um tenginguna á vandræðalausan hátt. Einnig gerir sú staðreynd að allar tengingar í ATM netinu eru með ákveðnum traffík parametrum það að verkum að lítil hætta er á að einhver einn aðili geti sett netið á hliðina með því að senda mjög mikil gögn um netið. Ef aðili fer að senda meira af gögnum í ATM neti en hann hefur keypt rás fyrir þá hendir netið þessari yfirtraffík. Hún hefur því engin áhrif á aðra notendur. Aftur á móti þá gæti notandi í ip neti haft mikil áhrif á traffík annara notanda. Eina leiðin til að passa að þetta hendi ekki er að hafa alltaf mjög mikla bandvídd til staðar í netinu. Af því leiðir að mikið af henni er ónotuð nema í þau skipti sem einhverjir “stórir” notendur eru að senda gögn um kerfið og metta það.
Einnig segir þú á að það sé ekki þörf fyrir QoS í ip-netum. Það er rangt. Í dag er verið að gera tilraunir með ip-síma og þeir þurfa QoS til þess að virka vel. Einnig mun það verða algengara að streyma lfandi video yfir net og ef þú hefur ekki QoS þá verður það aldrei almennilegt. Það er því ljóst að net sem getur ekki boðið upp á QoS og þar af leiðandi ekki flutt jöfnum höndum tal, mynd og gögn mun úreldast mjög fljótt.
Kv
Kristinn

Fyrra álit

IcEEyE fyrir 23 árum, 3 mánuðum

Ég er reyndar alveg sammála þessu realtime videó og QoS hjá þér og hef stundum velt því fyrir mér hvernig Lína.Net ætlar að tryggja að VideóOnDemand dæmið virki hjá sér á IP neti. Þeir ætla kannski ekki að taka neina ábyrgð á því heldur láta skömmunum rigna yfir þá sem veita þessa þjónustu?

Þú hlýtur þó að geta verið sammála mér um það að IP-net er mun öflugra og einfaldara til að flytja tölvugögn því það getur varla verið tilviljun að stór internet fyrirtæki eins og AOL er að skipta úr ATM í IP. Á sama tíma og ATM tryggir fluttning á rauntíma gögnum eins og síma og rauntíma mynd. Svo bíðum við bara og sjáum hvað verður úr MPLS. Mér sýnist samt hraðinn í þróunni á þessu vera svo mikill að að sem er gott í dag verður líklega úrelt á morgun.

Fyrra álit

kristas fyrir 23 árum, 3 mánuðum

Nei ég er ekki sammála að ip-net sé öflugara og einfaldara. Þessir tveir eiginleikar eiga ekki oft samleið, þ.e. þú ert annað hvort með öflugt eða einfallt. Ég er sammála að fyrir hreinan gagnaflutning þá er ip-net einfaldara ef þú hefur ekki áhygjur af öryggismálum eða gerir ráð fyrir að notendur hafi eldvegg hjá sér. Þetta gerir það að verkum að fyrir heimili þá getur slíkt net verið sniðug lausn en alls ekki fyrir fyrirtæki sem krefjast meira öryggis. Lína.net verður því að leysa þarfir fyrirtækja á annan hátt.

Ástæða þess að AOL ákveður að færa sig úr ATM og yfir í IP er sjálfsagt vegna þess að þeir eru ISP sem einbeitir sér að heimilisnotendum. Þeir eru ekki SP (service provider) þ.e. aðili sem selur gagnaflutning til hvers sem er t.d. ISP'a, banka, stofnanna og fyrirtækja. Einig er það staðreynd að grasið er alltaf grænna hinu meginn. :-)
Kv
Kristinn

Fyrra álit

Spirou fyrir 23 árum, 3 mánuðum

IcEEyE þú ert fáviti. Þú hefur engan hugmynd hvað analog er.

Spirou Svalsson

Fyrra álit

IcEEyE fyrir 23 árum, 3 mánuðum

Takk Spirou fyrir að staðfesta hversu mikil vitsmunavera þú ert. Ég tel mig nú samt vita ágætlega vel hvað analog er svona eftir háskólamenntun í rafmagnsverkfræði.

Fyrra álit

[Notanda eytt] fyrir 23 árum, 3 mánuðum

Allar umræður um línu.net hérna virðast komast að þeirri niðurstöðu að þetta línu.net dæmi sé bara blekking. Það verður að lesa smá letrið líka. Kannski eru 100 mbit inn til notenda og svo eitthvað miklu minna frá Línu.net út á vefinn. Þannig að þessi tengin kemur ekki til með að nýtast á næstu árum því að á hinum endanum er allt svo sljótt. Það þýðir ekkert að leggja 100 cm rör inn í húsið ef það er bara 5 cm frá vatnsveitunni.

Fyrra álit

naflakusk fyrir 23 árum, 3 mánuðum

Ég held að fólk verði að gera sér grein fyrir (og sætta sig við það) að við búum á eyju einhvers staðar útá hafi. Fæstir hafa heyrt um Ísland og flestir þeirra sem hafa heyrt um það er kannski alveg sama um okkur.

Það er þannig í dag að bandvíddin til og frá Íslandi er ekki mikil miðað við tæknina í dag, en það er einfaldlega vegna þess að það er fokdýrt að leggja ljósleiðara og kapla neðansjávar og ég get sagt ykkur það að ég myndi ekki nenna því sjálfur! ;)

Mér finnst skrítið að það skuli angra fólk að fá 100 Mbita tengingu heim til sín. Þó það þýði ekki 100 Mbita tengingu við útlönd þá þýðir það samt að t.d. vinnufélagar geta unnið saman á þessum hraða yfir netið (svo framarlega sem að þeir eru báðir tengdir með þessari tengingu) eða þá að leikjafíklar geta hringt í leikjafíklafélagana sína og spilað tölvuleiki á þessu magnaða nethraða.

Ég verð að segja að ég get ekki séð mikið að því að fá 100 Mbita tengingu heim til mín, þó að ég geti ekki nýtt þann hraða til útlanda…

- naflakusk

Fyrra álit

ZyrbinX fyrir 23 árum, 3 mánuðum

Sko það er alveg augljóst að þeir sem fái sér ljósleiðaratengingu fái ekki 100Mb/s út úr landinu, en hraðinn sem maður fær út úr landinu yrði samt með þeim besta sem hægt er að fá nú í dag, og ég yrði bara alveg hæst ánægður með það. En hraðinn innanlands gæti orðið allt að 100Mb/s sem er það hraðvirkasta sem er boðið upp á í dag. Þar að auki er þetta ódýrara en ADSL og ódýrara en loftlína. 28900 kall í stofngjald og svo 5500 á mán. eftir það fyrir sítengingu, uppsetningu á endabúnaði og endabúnaðinn sjálfan, ekki er samt alveg ljóst hvernig þetta verður með download limitið. Ég er einn af þeim fyrstu sem fá ljósleiðara í mína götu og ég ætla að fá mér hann strax og ég get, ég skal svo senda inn grein á huga þar sem ég segi öllum ykkur efasemdarmönnum hvernig þetta virki hjá mér. Hvort sem þetta reynist vel eða illa þá yrði nú örugglega lagt mikil áhersla á að bæta þetta, yrði ekki eins og með ADSL landsímans.

Fyrra álit

[Notanda eytt] fyrir 23 árum, 3 mánuðum

IcEEyE:

Getur þú þá útskýrt hvers vegna þeir vilja að þú notir 100 mb netkort?

Helmur the almighty

Fyrra álit

BOSS fyrir 23 árum, 3 mánuðum

Er hægt að fá í dag netkort sem er 10Mbit only? Ég bara spyr… ;)
Eru ekki öll kort í dag 10/100, 100 eða 10/100/1000?

BOSS

There are only 10 types of people in the world:

Fyrra álit

Dade fyrir 23 árum, 3 mánuðum

Hvað kemur þetta málinu við?!?

Fyrra álit

[Notanda eytt] fyrir 23 árum, 3 mánuðum

Boss, Þú þarft að hafa netkort 10/100 mb til að vera með ljósleiðara.

Fyrra álit

IcEEyE fyrir 23 árum, 3 mánuðum

Allur sá búnaður sem ég þekki og getur verið 100mb hefur einnig þann möguleika að vinna á 10mb svo ég er nokkuð viss um að það er hægt að nota 10mb netkort við Línu.net en ég er ekki 100% viss. Að sjálfsögðu er samt betra að vera með 100mb kort.

Fyrra álit

Xavier fyrir 23 árum, 3 mánuðum

Æi… á maður ekki bara að bíða eftir Teledesic???
The Global broadband Internet in the Sky…
Sjá meira um það á http://www.teledesic.com/

;-)
Xavie

Fyrra álit

KurtCobain fyrir 23 árum, 2 mánuðum

híhí ég er búinn að vera með raflínu(3mb) frá því í ágúst og dudududu ókeypis og ekkert dllimit :)

Nirvana owna!

Fyrra álit

Schemer fyrir 23 árum, 2 mánuðum

hvernig ping ertu a fá með þessa blessuðu raflínu, og er þetta ekki sona uppsett í blokk, og shared eins og cable í us, þar sem notendur á ákv. svæði skipta á milli sín bandbreiddinni?

Fyrra álit

Netið

Netið

Ofurhugar

Stjórnendur

Hverjir eru inni

Greinar

Lína.Net

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi