Það virðist sem stjórnendur hafi gleymt að líta á könnunina áður en þeir settu inn nýja þemað. Eins og glögglega má sjá á síðustu könnun um næstu þemu nutu þrjú þemu meiri vinsælda en tilfinningaþemað, en það eru Psychadelic með 18% og Teiknað eftir ljósynd að vali stjórnenda og Gömul goðafræði með 14% hvor.

Hefði ég ekki verið í burtu frá internetunum yfir páskana hefði ég að sjálfsögðu minnst á þetta fyrr, en ég vil engu að síður biðja ykkur að leiðrétta þennan misskilning þótt seint sé í rassinn gripið. Sjálfur nýtti ég t.d. tækifærið i sjálfskipaðri páskaútlegð minni og teiknaði tvær myndir fyrir það þema sem ég taldi vera næst á dagskrá, og hafði hlakkað mikið til að taka þátt í, Psychadelic þemað.

Með bestu kveðjum, Teto.