Þetta verður svona hlutverkaleikur, roleplay.

Listi yfir eitthvað sem vantar… ALLT sem tengist víkingaþema, að sjálfsögðu, föt og vopn og skildir og skip. Hús og híbýli, svo náttúrulega háreist bjálkahús þar sem Æsirnir búa… einnig þarf að hanna, teikna og alfarið búa til heim jötna og þursa… síðan þarf líka að gera faraskjóta Ásanna og gæludýr. Það þarf líka að búa til kort og svoleiðis. Drekar og önnur furðudýr. Umhverfi Asks Yggdrasils, hvernig er umhorf við Urðarbrunn, Mímisbrunn og Hvergelmi. Svo þarf að fá myndir af öllum goðunum, og af Urði, Verðandi og Skuld. Allar myndrænuar lausnir á því hvernig Týr berst eftir að hann missir aðra hendina við olnboga. Einnig ætlum við að láta koma erindi úr Völuspá á milli “kafla” eða “verkefna” eða “mission-a” (hvernig sem við leysum úr þessu) og þá þarf að myndskreyta hvert erindi og teikna mynd af Völvunni að tala við Óðin. (Ein hugmynd sem einn af okkur fékk var að nota grafík eða tréútskurð í þetta og fikta síðan með það í tölvu þannig að myndirnar hreyfðust).

Það er líka gott ef fólk sem hefur áhuga á að vera með kynni sér efnið…það þýðir t.d. ekki að vera með world-map sem er hnöttur, þegar í goðafræðinni kemur skýrt fram að heimurinn sé flatur, og að umhverfis hann hringi sig miðgarðsormur…og að himininn er hauskúpa Ýmis og henni halda uppi dvergarnir Norðri, Suðri, Vestri og Austri… væri frekar asnalegt miðað við þessa heimsmynd að maður gæti trítlað UNDIR pönnukökuveröldina…

Og svo náttúrulega ALLT sem ykkur dettur í hug þegar þið heyrið orðin “norræn goðafræði” og “víkingar” og “Æsir”.

Takk fyrir ábendinguna Alliat