Ókei það má vel vera að þetta ætti betur heima inn á öðru áhugamáli, en þetta er nú alveg ótrúlegur listamaður og ég heng mest hérna.

Sarah Ellerton er listamaður frá Ástralíu sem hefur teiknað og skrifað myndasöguna Inverloch og er að vinna í The Phoenix Requiem.

Sagan Inverloch er sería í fimm bókum sem er í fullum lit. Sagan var upphaflega vefmyndasaga (webcomic) þar sem sagan uppfærðist um nokkrar blaðsíður vikulega á árunum 2003-2007. Seinna var sagan gefin út í lit og eru fyrstu þrjár bækurnar komnar út.

Sagan fjallar um Acheron sem er svokallaður da’kor sem eru einhver blanda af mönnum, úlfum og fleiri dýrum. Í þessum heimi sem er einnig fullur af álfum, göldrum og já mönnum fer Archeron að leita að einum álfi sem er æskuvinur hans heittelskuðu.

Aðgangur að myndasögunni er ennþá á netinu en eru það upprunalegu teikningarnar en ekki betrumbættu sem birtar voru í bókunum. Það má sjá að í svona fyrsti og kannski annarri bókunum er listamaðurinn að finna sinn stall en eftir það er teiknistílinn mjög stöðugur og flottur.

Sarah er einnig byrjuð á annarri sögu að nafni The Phoenix Requiem. Þessi saga er einnig á netinu og eru teikningarnar alveg rosalega flottar! Að þessu sinni gerist sagan í Viktoríulegu umhverfi (tímabilið semsagt) í heimi ekki ólíkum okkar. Söguþráðurinn er aðeins rétt að byrja og eru komnar um 60 blaðsíður, aftur allt í lit. Það koma milli 4-6 blaðsíður á viku.

En já þessi höfundur er í miklu uppáhaldi hjá mér og langaði að benda ykkur á hana þar sem söguþráðurinn er æðislegur og myndirnar hennar eru alveg engu líkar :)

Linkur á heimasíðuna hennar:
http://www.seraph-inn.com/