Metallica voru amk. Thrash metall, eiginlega komnir í eitthvað annað þessa dagana þó að þeir teljist líklega til metals ennþá.
Black Sabbath er bara old school heavy metall og það sama má líklega segja um Deep Purple þó svo að þeir eru meira “rock”, en munurinn á rokki og metal á það til að vera svaðalega lítill.

Mátt flokka þetta allt undir Heavy Metal, en Metallica einnig undir Thrash Metal.
Heavy Metal ætti frekar að heita (S)light metal og Extreme Metal ætti að heita Heavy Metal.
Einhver kjáni sem fannst hann svo miklu þyngri og betri en rokk að hann skírði sig ekki bara málm, heldur þungan málm.
Reyndar eru sumir málmari léttari en steinar. Þetta byrjar þá bara á semi-þungrum might.

ég er ekki allveg viss hver er skilgreiningin á milli rokk og metall. ég hef hinsvegar verið að spá pínu í þetta og ég held að það sé meira uppbyggingin í laginu heldur en sándið og hraðinn. t.d. ef lagið er spilað í dúr/major þá skiptir ekki máli hversu hratt né mikið disturtion þú ert með, það telst aldrei metall. en lag sem er spilað í moll/Harmonic major eða diminished er án vafa metall.

Ef þú hlustar á Black Sabbath, Deep Purple og Metallica þá hlustaru á metal.

stundum er örþunn lína milli rokks og metals, til dæmis gömlu lögin með Saxon (t.d. Heavy Metal Thunder, Denim And Leather) og Rainbow (Kill The King, Long Live Rock ‘N’ Roll) eru ekki beint Heavy Metal í nútímaskilningi, en þóttu þung á sínum tíma.

Það fer allt eftir stað og stund hvort ég kalli þessu lög hard rock eða heavy metal (sem ég myndi telja léttasta metalinn).

En annars er metall fyrir mér að fylgja ekki ráðandi tónlistarstefnum og verða frægur, heldur að semja tónlist sem er í flestum tilvikum ögrandi og stendur fyrir einhvern málstað, að þora að vera öðruvísi og synda á móti straumnum.
Ég lít líka á metal, þá aðallega Neo-Classical og Death metal sem ákveðnar leiðir til að ögra líkamlegum eiginleikum, svona ‘playing on the edge’ (auðvitað ekki eini tilgangurinn) ; sbr. gravity blast (spila fleiri tugi slaga á nánast engum tíma), growl (hversu djúpt röddin nær) og svo framvegis. Ég finn sitthvað af svona dæmum í flestum gerðum metals, og ég held að það sé það sem skeri metalinn frá rokkinu.

Indie rokk er til dæmis ekki ögrandi á neinn hátt og ekkert sérstaklega ‘challenging’ tónlist, á meðan í technical death metal er ekki hægt að vera lélegur hljóðfæraleikari og komast upp með það, maður þarf á öllum sínum hæfileikum að halda til að spila svoleiðis tónlist vel.

ég ætlaði að koma með einhvern góðan punkt í viðbót… er bara búinn að gleyma hver hann var :(

Metallica er metall, Black Sabbath er á mörkunum (en samt eiginlega metall ;)) og Deep Purple er það ekki.

Placebo er metall

Hahahaa einu sinni var sagt við mig: “Metall er tónlist sem þú skilur ekki”

Það getur ekki verið rétt

Þetta getur nú verið allt metal. Metallica án efa(veit ekki með núna), Black Sabbath byrjuðu metalinn og þeir eru metal, án efa því að þeir voru það harðasta þá og miðað við nútímaskilgreiningu þá eru þeir metal, annars er Deep Purple miklu djammaðri fílingur og allt öðruvísi en samt að hluta til.

Metallica - Thrash metal (early) veit ekker hvert þeir stefna núna
Black Sabbath - Doom/stoner metal, klárlega uppruni metal eða þessara þungu tónlistar.
Deep Purple - Hard Rock/Heavy Metal/Arena Rock/British Metal - Þeir eru metal, en ekki kannski þessi hljómsveit sem flestir myndu telja Metal. Ég hef verið að hlusta rosalega mikið á Deep purple síðasta ár. Þeir eiga sín rosalega “jolly” lög og einnig rosalega þung lög. Klárlega ekkert sem segir að þeir séu ekki metal.