Ég kynntist þessum disk fyrir svona um það bil mánuði síðan og það er ekki hægt að segja að hann hafi haft gríðarleg áhrif á mig. Hér er á ferðinni einhver sá alfullkomnasti metaldiskur sem ég hef nokkurn tímann hlustað á. Hvert einasta lag er frábært. Lögin eru:

1 Numbered Days (3:35)
2 Self Revolution (3:08)
3 Fixation on the Darkness (3:37)
4 My Last Serenade (4:13)
5 Life to Lifeless (3:17)
6 Just Barely Breathing (5:42)
7 To the Sons of Man (1:58)
8 Temple from the Within (4:04)
9 Element of One (4:08)
10 Vide Infra (3:28)
11 Without a Name (1:45)
12 Rise Inside (5:56)

Byrjunarlag disksins er gríðarlega öflugt lag. Það fer síðan yfir í Self revolution sem er að mínu mati eitt besta lagið á disknum. Gríðarlega melódískt og grípandi. Fixation on the darkness er einnig djöfulega gott og eftir þessi þrjú lög er diskurinn kominn á mikið flug og maður veltir því fyrir sér hvort að restinn geti mögulega verið jafn góð. En það kemur í ljós að þetta er einn af þessum diskum sem að maður þarf ekki að skipta um lag. My last serenade er eitt best metallag sem ég hef heyrt. Byrjar á rólegu nótunum og fer síðan yfir í mikla hörku og við tekur mjög melódískt og grípandi viðlag. Þetta lag er reyndar einkennandi fyrir allt það sem Killswitch Engage stendur fyrir. Eftir þetta lag koma Life to lifeless og just barely breathing og eru það 2 stórkostleg lög. Það þarf svo sem ekkert að eyða neinum orðum um þessa snilld. Lög 7 og 8 eru hraðari en hin að mínu mati og eru mjög góð. Standa fyllilega fyrir sínu. Element of one er með betri lögum disksins. Vida infra er líka magnað. Without a name er síðan bara forspil inn í lokalag plötunnar sem er Rise Inside. Alveg hreint ótrúlega gott lag og er ásamt My last serenade og Self Revolution það besta sem er á plötunni.
Það sem einnkennir þessa plötu er frábær söngur, einstaklega góð metalkeyrsla og fínir textar. Því miður er söngvarinn hættur en ég hef heyrt að nýji söngvarinn sé ekkert síðri, hvernig sem það er nú eiginlega hægt! Í dag er þetta einn ef mínum uppáhaldsdiskum og þegar að Killswitch verða orðnir að risum í metalbransanum á fólk eftir að telja þennan disk sem einn af meistaraverkum metalsögunnar. Annað kemur hreinlega bara ekki til greina!