Ég er svo heppin að vera í námi þar sem við eldum saman einu sinni í viku. Maður græðir margar nýjar og spennandi uppskriftir á þessu. Í dag var baunaþema og var hver spennandi rétturinn á fætur öðrum borinn fram. Ég ætla að skella einni uppskrift hingað inn og verða ég að segja að mér þykir þessi réttur ekki síðri en þeir sem maður getur keypt á Grænum kosti og þess háttar stöðum.

1 bolli kjúklingabaunir
1 stór laukur
4 hvítlauksrif
1 tsk. Garam masala
500 g niðursoðnir tómatar
1/2 bolli rúsínur
1/2 bolli sveskjur eða apríkósur
1 msk. hnetusmjör
1 1/2 dl eplasafi
1/2 bolli kastaníuhnetur
safi úr 1/2 sítrónu
salt og mulinn pipar, ef vill

Baunirnar eru lagðar í bleyti í sólarhring, soðnar í 1 klst. og soðinu svo hellt af. Saxið lauk og hvítlauk og léttsteikið í olíu. Ávextirinir brytjaðir og þeim bætt á pönnuna ásamt tómötunum, hnetusmjöri, eplasafa og svolitlu vatni og látið sjóða saman í ca. 20 mín. Hneturnar eru ristaðar létt. Baununum blandað saman við réttinn á pönnunni og hitað vel. Að síðustu er sítrónusafanum bætt út í ásamt helmingnum af hnetunum og salti og pipar. Hinum helmingnum af hnetunum er svo stráð yfir réttinn.

Borið fram með heimabökuðu brauði og fersku grænmetisalati.