Nett mynd :P.

Jóhannes Jósepsson, sannur meistari. Mæli með því að allir áhugamenn um bardagalistir verði sér úti um ævisögu kappans og lesi hana.

Þetta er mynd af glímu Jóhannesar af Borg við japanska Jiu-Jitsu meistarann Otagawa í Madison Square Garden í New York, að mig minnir 1924.

Þetta var verulega umtöluð glíma á sínum tíma, ekki síst vegna þess að Otagawa gekk á bak orða sína þegar þeir áttu að stíga í hringinn, upphaflega samkomulagið var að þeir myndu glíma þrjár glímur, eina með íslenskum glímubeltum og eftir íslenskum reglum, eina “jakkaglímu” eftir Jiu-Jitsu reglum, og svo eina fjölbragðaglímu eftir Catch-as-catch-can reglum.

Þegar Jóhannes mætti í hringinn var honum tilkynnt að sendiráð Japana í bandaríkjunum hefði stranglega bannað Otagawa að glíma eftir neinum öðrum reglum heldur en japönskum. Honum var skapi næst að rjúka á dyr og gefa skít í þetta allt saman en allir áhorfendur voru komnir í hús og myndu verða verulega súrir ef þeir fengju ekki einhverskonar glímu, sem Jóhannes hélt fram að japanarnir hafi stólað á.

Þannig að hann skellti sér bara í jakkann og tók Otagawa á Ippon!

Ekki málið fyrir alvöru víking.