Fer eftir thvi hvad thu ert ad aefa…

Ein leið til að komast að því =) Komdu og kíktu á æfingu. Sama beltakerfi og kennslan á svipuðum grunni enda voru kennarar Combat Gym að kenna í Mjölni í mörg ár.
Í Combat eru fjölbreyttari tímar, fleira til að velja úr og á mismunandi tímum dags en mundu að það eitt er ekki endilega betra =) Mjölnir og Kettlebells.is eru líka með góðan mannskap og góða tíma en eins og þú bendir réttilega á getur verið ýmislegt sem spilar inn í hvar fólk æfir eins og til dæmis staðsetning.

Ég held að svarið við spurningunni þinni felist í því að mæta og prófa sjálfur.

Og já ef það fór á milli mála þá tilheyri ég Combat Gym þannig að ég telst ekki hlutlaus í þessu máli =)

Sjáumst, Sigursteinn

Bæði félögin hafa yfir að ráða frábærri aðstöðu, dúndur kennurum og stórum iðkendahóp. Mér skilst að Combat Gym séu með ca. 100 meðlimi þessa dagana og Mjölnir um 300.

Ég hef ekki komið í Combat Gym en get persónulega vottað fyrir það að Árni og Arnar Freyr eru báðir drengir góðir og frábærir glimukappar. Það sama gildir um Gunna og James í Mjölni. Veltur einna helst á hvernig þú fílar kennslustíl viðkomandi, sem engin leið er að leggja mat á nema þú farir og prófir sjálfur.

Einna helst er munurinn kannski í áherslum - Mjölnir er með mjög sterkt BJJ prógramm og hefur verið að breiða úr sér útfrá þeim kjarna, á meðan Combat Gym býður upp á ýmislegt annað, eins og t.d Taekwondo og hefur yfir að ráða þaulreyndum þjálfara með keppnisreynslu í Muay Thai og wrestling. Á móti kemur nýtilkomið samstarf Mjölnis og Hnefaleikafélags Reykjavíkur, sem á bara eftir að styrkja klúbbinn.

Í rauninni snýst þetta val þitt bara um tvennt: á hvað þig langar að leggja áherslu, og hvernig þú fílar kennarana og stemninguna í viðkomandi félagi. Og þú kemst ekki að því nema þú skottists og prufir. Efast um að það kippi sér neinn upp við það í Mjölni að þú skipti þó ekki væri nema tímabundið, enda er frelsi iðkenda til að æfa hvar og hvenær sem þeim sýnist án þess að þeir séu eitthvað látnir gjalda þess eitt af lykilboðorðum Straight Blast Gym á heimsvísu.

Ég hef soldið prófað Mjölni en ekki combat gym. En með því að skoða stundatöflurnar og skoða hvað er í boði, þá sýnist mér að Mjölnir sé meira með þungann í áttina að BJJ og Combat Gym meira með þungann í áttina að MMA (meira MMA tengt striking í Combat og wrestling líka). Nú spyr ég bara þá sem betur þekkja hvort þetta sé rétt hjá mér? Mjölnir er samt nýlega kominn með meira box.