Það var líka hræðilegt að hlusta á hornið hjá BJ! Það kom ekki orð af viti út úr þeim! Bara einhver blótsyrði um að BJ væri miklu betri, sterkari og flottari en Frankie. Það var ekki eins og hann væri að berjast um beltið í stærsta MMA showi í heimi. Já, BJ átti skilið að tapa þessu.

Að vísu er nú uppi talsverð umræða varðandi hvernig sterkir wrestlerar reyna að vinna alla bardaga á stigum en ekki að klára fighta í MMA. Þetta er auðvitað ekki ný umræða en ég get að ýmsu leiti tekið undir þetta. Menn eiga að reyna að vinna á fleiru en takedownum. Cole Miller skrifaði um þetta á bjpenn.com um daginn og vísaði auðvitað í Frankie. Hann gleymdi hins vegar að minnast á það að BJ gerði lítið sem ekkert sjálfur í bardaganum. En eins og ég segi þá get ég alveg tekið undir sumt af þessari gagnrýni og það hefur spunnist mikil umræða um þetta á spjallborðum. Það er t.d. athyglisvert að Sean Sherk hefur aldrei unnið bardaga í UFC öðruvísi en á decision.

En allavega þá virðist BJ vera sinn versti óvinur þessa dagana. Næst á eftir koma sennilega þeir sem næst honum standa. BJ þyrfti einfaldlega að skipta um gym og fara að æfa með einhverjum sem létu hann finna fyrir því og væru ekki tómir “já menn”. Hann þarf með öðrum orðum gagnrýnni æfingafélaga og þjálfara.